Zatrymanyja dzieviać padazravanych śpiecnazaŭcaŭ kijeŭskaha «Bierkuta», jakich abvinavačvajuć u datyčnaści da zabojstvaŭ jeŭramajdanaŭcaŭ 20 lutaha [usiaho ŭ vyniku procistajańnia 18-20 lutaha zahinuli i pamierli ad ran bolš za 90 čałaviek, u tym liku bolš za 70 čałaviek z «Niabiesnaj sotni»].
Pra heta paviedamlaje 5 kanał sa spasyłkaj na v.a. hienprakurora Aleha Machnickaha.
Pavodle jaho słoŭ, mienavita hetym śpiecnazaŭcam vydali bajavuju zbroju, u pryvatnaści, i snajpierskija vintoŭki, kab jany prykryvali adychod biazzbrojnaha «Bierkuta».
Kiraŭnik Hienprakuratury kaža — kolkaść zatrymanych niekančatkovaja, jano moža jašče vyraści, pavinny zatrymać jašče 4-ch padazravanych.
«Zatrymany šerah supracoŭnikaŭ śpiecpadraździaleńnia «Bierkut». Heta śpiecrota «Bierkuta» tak zvanaja čornaja rota, jakaja była pryznačana dla śpiecapieracyj.
I ŭžo na hety čas ŭstanoŭleny šerah asob i ažyćciaŭlajucca mierapryjemstvy pa ich zatrymańni, taksama pravodziacca mierapryjemstvy i śledčyja dziejańni pa ŭstalavańni inšych asob. Hetaj rocie vydavałasia zbroja, u tym liku i snajpierskaja», — raspavioŭ Machnicki.
Pa słovach Alaksieja Bahanca, namieśnika hienprakurora, zvyčajny «Bierkut» ahniastrelnaj zbroi nie atrymaŭ, u tym liku i kijeŭski.
«Tolki atrymała śpiecyjalnaja rota. Ich zadača była, jak jany na siońniašni dzień tłumačać, choć my im da kanca nie vierym. Ich zadača była adstrelvacca ad nastupajučych mitynhoŭcaŭ i dać mahčymaść asnoŭnym siłam «Bierkuta», jakija byli biez zbroi, a mieli tolki śpiecyjalnyja srodki, adstupić ad vulicy Instytuckaj i adstupić u rajon Bankavaj da hatela «Nacyjanalny».
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary