Zahad na vykarystańnie zbroi suprać mitynhoŭcaŭ u Kijevie 20 lutaha addavaŭ Viktar Janukovič praz svaju Administracyju, MUS i SBU. Pra heta paviedamili ŭ pres-słužbie Hienieralnaj prakuratury Ukrainy sa spasyłkaj na słovy v.a. hienprakurora Aleha Machnickaha.
Jak adznačyli ŭ pres-słužbie, ustanoŭlena, što pa mitynhoŭcach «pracavali» supracoŭniki śpiecatrada «Bierkut», jakija z dnia stvareńnia hetaha śpiecpadraździaleńnia (1992 h.), mieli mahčymaść i paŭnamoctvy ŭžyvać ahniastrelnuju zbroju, uklučajučy aŭtamatyčnuju zbroju i snajpierskija vintoŭki.
Rasśledavańniem ustanoŭlena, što prycelny ahoń z snajpierskaj vintoŭki SKS (samazaradny karabin Simanava) vioŭsia z budynka haścinicy «Ukraina».
Što datyčycca najaŭnaści snajpieraŭ u inšych budynkach, u pryvatnaści Kastryčnickim pałacy, hateli «Kazacki», Domie prafsajuzaŭ, źviestki praviarajucca.
Taksama ŭ Hienprakuratury adznačyli, što siarod niekalkich supracoŭnikaŭ «Bierkuta» zatrymali kamandzira asobnaha atrada, padnačalenyja jakoha vykonvali zadačy pa ŭžyvańni na paražeńnie ahniastrelnaj zbroi.
U toj ža čas u viedamstvie adznačyli, što zaraz praviarajecca infarmacyja ab mahčymym pryciahnieńni i datyčnaści da rasstrełu na Majdanie bajcoŭ inšych ukrainskich śpiecpadraździaleńniaŭ siłavych struktur, u pryvatnaści bajcoŭ «Alfy», jakija ŭvachodziać u skład SBU.
U pres-słužbie adznačyli, što rabotnikam HPU pryjšłosia adnaŭlać usiu karcinu i abstaviny, źviazanyja z rasstrełam ludziej u centry Kijeva, bo ŭsie dakumienty i inšaja materyjalna-dokaznaja baza byli źniščanyja papiarednim kiraŭnictvam Hienprakuratury. Śledstva praciahvajecca.
Učora padčas intervju Janukovič paklaŭsia, što nie davaŭ zahadu stralać, u mianie b ruka nie padniałasia, skazaŭ jon.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary