Rasspažyŭnahlad vyrašyŭ prypynić abarot pradukcyi zavoda «Syry» ŭ Omsku, paśla taho jak jaho supracoŭniki vykłali ŭ sacsietki fatahrafii, dzie jany kupajucca ŭ vańnie z małakom. Pradukcyja zavoda zdymajecca z prodažu ŭ niekalkich rehijonach Rasii.
U kancy sakavika ŭ internecie źjavilisia fatahrafii, na jakich bačna, jak niekalki supracoŭnikaŭ zavodu kupajucca ŭ małace, adznačajučy dzień naradžeńnia adnaho ź ich.
Nieŭzabavie paśla hetaha Rasspažyŭnahlad zajaviŭ ab hrubych parušeńniach sanitarnaha zakanadaŭstva na zavodzie. Viedamstva taksama źviarnułasia ŭ rehijanalny Śledčy kamitet z prośbaj zavieści ŭ dačynieńni da rabotnikaŭ zavoda kryminalnyja spravy.
Pra namier pravieści pravierku dziejańniaŭ słužbovych asobaŭ pradpryjemstva zajaviła i Hienprakuratura.
Miž tym, uładalnik pradpryjemstva Arkadź Pleciuk u čaćvier zajaviŭ, što rabotniki na videa kupajucca nie ŭ małace, a ŭ technałahičnaj vadkaści, jakaja zastałasia paśla myćcia vanny dla pradukcyi.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary