Ukrainskija ŭłady źbirajucca praciahvać realizacyju prajekta pa budaŭnictvie LNG-terminała ŭ Adeskaj vobłaści ŭ ramkach vykanańnia prahramy pa dyviersifikacyi pastavak hazu va Ukrainu.
«Papiaredni ŭrad sprabavaŭ pabudavać LNG-terminał. My nie admovilisia ad hetaj dumki. My padtrymlivajem hety prajekt. My chočam uziać u arendu płatformu i ŭ Adeskaj vobłaści pabudavać terminał. Heta daść nam jašče paru miljardaŭ kubamietraŭ (dadatkova da najaŭnaha bałansu paliva)», — zajaviŭ premjer Ukrainy A. Jacaniuk.
17 śniežnia 2010 h. było stvoranaje HP «Nacyjanalny prajekt «LNG-terminał», jakoje musić kaardynavać pracu pa budaŭnictvie terminała pa pryjomcy zvadkavanaha pryrodnaha hazu ŭ abjomie 10 młrd kub.m na Čarnamorskim uźbiarežžy Ukrainy da 2014 hoda. 30 studzienia 2012 kampanija Socoin zaviaršyła raspracoŭku technična-ekanamičnaha abhruntavańnia (TEA) prajekta «LNG-terminał». Kabiniet ministraŭ na pasiadžeńni 8 žniŭnia 2012 zaćvierdziŭ TEA budaŭnictva va Ukrainie terminała pa pryjomcy zvadkavanaha pryrodnaha hazu («LNG-terminał»). Zhodna z TEA, prajekt moža być realizavany ciaham 49 miesiacaŭ. Pieršyja abjomy hazu možna budzie atrymać užo ŭ 2016 hodzie. Pryblizny košt budaŭnictva LNG-terminała składaje 846 młn jeŭra. Dola Ukrainy ŭ prajekcie budzie składać 25% +1 akcyja.
26 listapada 2012 Ukraina padpisała z kampanijaj Gas Natural Fenosa (Ispanija) skandalnaje pahadnieńnie na 1 młrd jeŭra ab supracoŭnictvie pa realizacyi nacyjanalnaha prajekta «LNG-terminał». Jak stała viadoma, dakumient byŭ padpisany kiraŭnikom Dziaržinviestprajekta Uładzisłavam Kaśkivam ź nibyta pradstaŭnikom kampanii Džordzi Banviei, jaki nie mieŭ paŭnamoctvaŭ na heta. Paśla hetaha incydentu viedamstvu Kaśkiva da hetaha času tak i nie ŭdałosia pryciahnuć novaha inviestara.
U śniežni 2013 hoda ŭ Minenierhavuhalu adznačali, što pytańnie budaŭnictva LNG-terminała va Ukrainie nie zakrytaje, adnak TEA prajekta i jaho kaštarysnuju canu, mahčyma, varta pierapracavać.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary