Biełaruskaja čyhunka z 26 krasavika pa 11 maja pryznačyła 84 dadatkovyja ciahniki. Heta 30 ciahnikoŭ mižrehijanalnych linij i 54 ciahniki mižnarodnych linij.
U mižrehijanalnych znosinach budzie kursiravać dadatkovy ciahnik № 679/680 Homiel — Minsk, jaki adpraŭlajecca z Homiela ŭ 15.27 i prybyvaje ŭ Minsk u 19.05. Hety ciahnik pryznačany na 28 krasavika, 1 i 8 maja.
Na śviaty taksama buduć kursiravać dadatkovyja ciahniki mižrehijanalnych linij № 632 Minsk — Homiel (28 krasavika i 8 maja), № 638 Minsk — Kalinkavičy — Homiel (28 krasavika i 8 maja), № 693 Minsk — Połack (28 krasavika), № 671/672 Minsk — Brest — Minsk (1 maja) i inš.
Što da mižnarodnych znosin, to Biełaruskaj čyhunkaj sumiesna z Rasijskimi čyhunkami dadatkova pryznačanyja ciahniki pa najbolš zapatrabavanych maršrutach: Brest — Maskva — Brest, Minsk — Maskva — Minsk, Brest — Sankt-Pieciarburh — Brest i inš. Akramia taho, u śviatočny pieryjad pa Biełaruskaj čyhuncy tranzitam buduć kursiravać dadatkovyja ciahniki № 148/147 Kalininhrad — Maskva — Kalininhrad i № 80/79 Kalininhrad — Sankt-Pieciarburh — Kalininhrad.
Bolš padrabiaznuju infarmacyju ab pryznačanych dadatkovych ciahnikach i časie ich adpraŭleńnia možna atrymać na sajcie www.rw.by, a taksama ŭ čyhunačnych kasach i pa telefonach daviedačnych słužbaŭ.
«Biełaruskaja čyhunka praciahnie pracu pa pryznačeńni dadatkovych ciahnikoŭ na pieryjad krasavickich i majskich śviataŭ i pa vychadnych dniach z ulikam rostu pasažyrapatoku», — adznačyła pres-słužba.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary