Pa stanie na viečar 2 krasavika Centralnaja vybarčaja kamisija zarehistravała 23 čałavieki ŭ kandydaty ŭ prezidenty Ukrainy na pazačarhovych vybarach 25 maja.
Siarod ich — try žančyny i 20 mužčyn.
Siarod zarehistravanych — Volha Bahamolec — hałoŭny doktar Majdanu; člen Partyi rehijonaŭ Juryj Bojka; niezaležny kandydat Andrej Hrynienka; nardep, były ministr abarony Anatol Hrycenka; Michaił Dobkin — eks-staršynia Charkaŭskaj abłdziaržadministracyi; były ministr sacyjalnaj palityki Natalla Karaleŭskaja, były namieśnik hienprakurora Renat Kuźmin; niezaležny deputat, kiraŭnik Radykalnaj partyi Aleh Laško; pradprymalnik Piatro Parašenka; pradprymalnik, kiraŭnik Usiejaŭrejskaha kanhresa Vadzim Rabinovič, kiraŭnik kampartyi Piatro Simanienka; lidar partyi «Svaboda» Aleh Ciahnibok, členy Partyi rehijonaŭ Aleh Caroŭ, Siarhiej Cihipka, eks-premjer i eks-palitviazień Julija Cimašenka, lidar «Pravaha siektara» Dźmitryj Jaraš.
Usiaho dakumienty padavali 46 čałaviek, 20 čałaviek nie zarehistravali, šaniec pabačyć siabie ŭ śpisach zastaŭsia ŭ troch čałaviek, u tym liku ŭ pradstaŭnika Interniet-partyi Darta Viejdera, jaki ŭžo navat vystaviŭ ultymatum CVK.
«Z pryčyny štučnych pieraškod, stvoranych truślivymi apanientami stabilnaści i paradku, jakija nie chočuć rehistravać maju kandydaturu, vymušany kanstatavać: kali siońnia da 19.00 maja kandydatura nie budzie biezumoŭna zarehistravanaja, ja, abjaŭlaju ab ściahvańni vojskaŭ da miežaŭ Piačerskaha rajona Kijeva, i abmiežavany kantynhient šturmavikoŭ i bajcoŭ samaabarony budzie błakavać budynak CVK. Až da pryniaćcia stanoŭčaha rašeńnia», — zajaviŭ jon.
Apošni dzień rehistracyi — zaŭtra.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary