Śpiecrota padraździaleńnia «Bierkut» adkryła stralbu pa pratestoŭcach u centry Kijeva 20 lutaha, zajaviŭ ministr unutranych spraŭ Ukrainy Arsien Avakaŭ.
Pavodle jaho słoŭ, raniejšaje kiraŭnictva MUS źniščała vopratku i dakumienty i sprabavała likvidavać zbroju, jakaja vykarystoŭvałasia śpiecrotaj «Bierkuta».
Ministr taksama paviedamiŭ, što milicyja vyśvietliła asoby ŭsich padazravanych u stralbie na vulicy Instytuckaj u razhar pratestaŭ u Kijevie.
«U stralbie na vulicy Instytuckaj z boku Kastryčnickaha pałaca … zahinuli pa našych padlikach 17 čałaviek», — adznačyŭ Avakaŭ.
Jon dadaŭ, što na Instytuckaj z boku Kastryčnickaha pracavała śpiecrota «Bierkuta» z žoŭtymi paviazkami na rukavach pad kiraŭnictvam majora Dźmitryja Sadoŭnika.
«Nami ŭstanoŭleny ŭsie asoby, jakija prymali ŭdzieł u hetaj apieracyi. Stupień datyčnaści jaho i kožnaha z bajcoŭ śpiecroty ustaloŭvajecca», - padkreśliŭ ministr.
Raniej u čaćvier v.a. hienprakurora Ukrainy Aleh Machnickij paviedamiŭ, što niekalki supracoŭnikaŭ śpiecpadraździaleńnia «Bierkut» zatrymanyja pa padazreńni ŭ rasstrele ludziej na Instytuckaj.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary