Rasijski viadučy Dźmitryj Kisialoŭ, jaki apynuŭsia ŭ čornych śpisach ZŠA i Jeŭrapiejskaha Sajuza paśla ahresii Rasii suprać Kryma, pazbaŭleny litoŭskaj dziaržaŭnaj ŭznaharody. Takoje rašeńnie pryniała prezident Dala Hrybaŭskajcie.
«Prezident Dala Hrybaŭskajcie, kirujučysia Kanstytucyjaj i 1 častkaj 18 artykuła Zakona ab dziaržaŭnych uznaharodach, padpisała dekret, jakim vykraśliła Dźmitryja Kisialova sa śpisu uznaharodžanych za toje, što jon zhańbiŭ honar uznaharody», — paviedamlaje prezidenckaja administracyja.
Z nahody pazbaŭleńnia Kisialova ŭznaharody da prezidenta źviarnuŭsia vice-śpikier Siejma, libierał Piatras Aŭštravičus.
Rasijski viadučy-prapahandyst znakamity svaimi vykazvańniami ab Zachadzie, susiedziach Rasii — členach NATA i niepieramožnaj sile Kramla. 16 sakavika jon zajaviŭ, što Rasija moža pieratvaryć Złučanyja Štaty ŭ «radyjoaktyŭny popieł».
Kisialoŭ byŭ uznaharodžany miedalom u pamiać ab padziejach 13 studzienia 1991 h. dekretam prezidenta Litvy Alhirdasa Brazaŭskasa ŭ 1994 h. Tady Kisialoŭ jak karespandent rasijskaj dziaržaŭnaj telekampanii «Astankina» ŭ Skandynaŭskich krainach byŭ uznaharodžany razam ź viadomaj tieležurnalistkaj Taćcianaj Mitkovaj, dyrektaram rasijskaha mižhalinovaha navukova- techničnaha kompleksu «Chirurhija vačej» Śviatasłavam Fiodaravym.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary