Prodažy aŭtasałonaŭ Biełarusi ŭpali na tracinu: fizičnyja asoby i «šeryja dylery» kuplajuć mašyny ŭ Rasii

Z 1 sakavika ŭ Biełarusi dziejničaje ŭkaz №64 «Ab utilizacyjnym zbory ŭ dačynieńni da asobnych vidaŭ kołavych transpartnych srodkaŭ». Kamientujučy novy narmatyŭny akt, hulcy aŭtabiźniesu nieadnarazova zajaŭlali: šerah jaho pałažeńniaŭ stvaraje niaroŭnuju kankurencyju z rasijskimi šoŭ-rumami. Ci spraŭdziŭsia taki prahnoz? Całkam. Dyrektar imparciora VW «Atłant-M Farcojhchandel», staršynia praŭleńnia aŭtamabilnaj asacyjacyi BAA Siarhiej Michnievič daŭ niehatyŭnuju charaktarystyku ciapierašniamu stanu spraŭ. «1 sakavika prodažy spynilisia i byli zamarožanyja na paŭtara-dva tydni praktyčna va ŭsich dyleraŭ, — rastłumačyŭ jon. — U sakaviku ahulnaje padzieńnie prodažaŭ pa dylerskich pradpryjemstvach skłała kala 30%: u pieršuju pałovu miesiaca ich prosta nie było. Klijenty albo nie rabili ździełak, albo źjazdžali ŭ Rasieju».

Źnizilisia prodažy mašyn, uviezienych z Rasii «U paraŭnańni ź lutym, prodaž našych aŭtamabilaŭ źniziŭsia amal u 2,5 raza, — paćvierdziŭ dyrektar pa markietynhu aficyjnaha imparciora Peugeot ŭ Biełarusi «PS aŭta hrup» Valancin Tryhorłaŭ, — heta 64 aŭtamabili ŭ lutym suprać 28 aŭtamabilaŭ u sakaviku». Sakavickaje padzieńnie prodažaŭ na STAA «DrajvMotars», jakoje pastaŭlaje ŭ Biełaruś aŭtamabili Nissan, značnaje. «U lutym my pradali krychu bolš, čym zvyčajna, — 107 mašyn, u sakaviku krychu mienš — 63, — rastłumačyŭ dyrektar pradpryjemstva Alaksandr Čupryhin. — Toj, chto płanavaŭ kupić aŭtamabil, zrabiŭ heta ŭ kancy zimy, u pieršyja tydni sakavika była cišynia. Stanovišča papravili tolki dziakujučy markietynhavaj aktyŭnaści. Ludziam treba było zvyknucca: u siarednim Nissan rasijskaj zborki padaražeŭ prykładna na 900 dalaraŭ». «Kitajcy» nie paciarpieli Adnačasova z uviadzieńniem utilizacyjnaha zboru adbyłosia źnižeńnie mytaŭ, što kampiensavała rost cany dla kupcoŭ mašyn nierasijskaj zborki. Cana tannych nie źmianiłasia, ale darahija mašyny vyjhrali 1-2 tysiačy dalaraŭ. Prodažy ŭ aŭtasałonie «Kitajskija aŭtamabili» (Chery i Great Wall) u sakaviku supastaŭnyja ź lutaŭskimi. Praŭda, jany nievialikija i pa-raniejšamu składajuć kala 1% ad rynku ŭsich novych aŭtamabilaŭ. Na raniejšym uzroŭni ceńnik u aŭtasałonie ŭkrainskich ZAZ.

U premium-brenda prodažy iduć uvierch Vyniki prodažaŭ imparciora Mercedes-Benz ŭ Biełaruś — TAA «Aŭtamabilny Dom Enierhija HmbCh» i zusim pazityŭnyja. «U sakaviku prodažy tradycyjna pavialičylisia, — paviedamiŭ načalnik adździeła prodažaŭ Michaił Niechviadovič. — Źnižeńnie mytaŭ kampiensavała ŭtylizacyjny zbor, ceny stali pryvabniejšymi». Ruskija zdajucca Supraćlehłaja karcina ŭ šoŭ-rumach spradviečna rasijskich brendaŭ. Staršynia rady dyrektaraŭ HK «Intelekt» — struktury, u jakuju ŭvachodzić dyler UAZ «Usiedarožnik», Siarhiej Varyvoda paviedamiŭ pra «rezkaje padzieńnie» prodažaŭ mašyn hetaha rasijskaha brenda. «Rynak nie byŭ hatovy da takoha rostu cen, — kaža Varyvoda. — UAZ — heta biudžetny aŭtamabil, pa niekatorych madelach padaražeńnie skłała 25%, začapiła znakamityja «bachanki». Heta vielmi istotny skačok». «Adbyŭsia adtok fizičnych asobaŭ u bok aŭtasałonaŭ Smalenska i Maskvy. My stracili biełaruskaha pakupnika UAZ Patriot», — aceńvaje Varyvoda. Jašče adna pryčyna kupli novaj mašyny ŭ Rasii — devalvacyja rasijskaha rubla i rasprodaž mašyn 2013 vypusku. Praŭda, harantyjnaha ramontu na biełaruskaj STA ŭładalniki UAZ, nabytych u Rasii, nie dačakajuć: u hetaha brenda niama adzinaj sistemy harantyjnaha absłuhoŭvańnia, jak u šerahu zachodnich brendaŭ.

Šeryja dylery Situacyjaj skarystalisia «šeryja dylery». «Heta admysłovaja forma pracy, zakonnaja tolki ź pieršaha pohladu, — aburany Michnievič. — Jany pazicyjanujuć siabie jak pradaŭcy pasłuhi pa pošuku aŭtamabila i płaciać padatki ź simvaličnaj kamisii. Realna ž jany ŭjaŭlajuć saboj kampanii-nierezidenty, jakija ažyćciaŭlajuć haspadarčuju dziejnaść z zusim inšaj padatkaabkładalnaj bazaj i finansavymi nastupstvami». «Heta nie čystaje pasiarednictva pa pošuku mašyny, a kompleks pasłuh ad padboru aŭtamabila da jaho pierahonu i raźliku, — tłumačyć Varyvoda. — Šery dyler faktyčna vykonvaje funkcyi pradstaŭnictva zamiežnaj jurydyčnaj asoby — rasijskaha aŭtasałona na terytoryi našaj krainy, vypłačvajučy mizernyja padatki». Hetym i tłumačycca nižejšaja cana na aŭtamabili ŭ ich.

• 0
• 0
• 0
• 0
• 0
• 0
• 0
• 0