Doktar: Chto złoŭžyvaje kafieinam, žyvie za košt svaich kaściej

Doktar ahulnaj praktyki Alaksandr Piluk patłumačyŭ, čamu ŭ amataraŭ kavy vysokaja ryzyka «zarabić» kryvy pazvanočnik i čamu da harbaty treba stavicca ź vialikaj naściarožanaściu.

— Čamu ranicaj tak chočacca vypić kavy?

— Praz žalezadeficyt. Mienavita tamu ranicaj adčuvajecca mlavaść i słabaść, jakija prachodziać paśla kubka kavy. Ale paśla pryniaćcia kafieinu žaleza ŭsmoktvajecca tolki horš, u dva-try razy.

Toj, chto złoŭžyvaje kafieinam, žyvie za košt kaściej — ź ich vychodziać karysnyja rečyvy.

Kafiein znošvaje zapasy kalcyju, znošvaje kości.

Ciapier nie prosta tak havorać pra ciapierašniaje pakaleńnie «kryštalnaja moładź». U padletkaŭ łamajucca kości, u 90% moładzi kryvyja pazvanočniki. Tamu što jany koka-kołu palubili, a tam kafieinu šmat i inšaj atruty.

Mnie šmat chto kaža, maŭlaŭ, ja kavu nie pju, ja pju zialonuju harbatu. Ale ŭ asnoŭnaj masie hatunkaŭ zialonaj bajchavaj harbaty kafieinu bolš, čym u kavie. Harbata sa smakam piražkoŭ, šakaładu, prysmakaŭ — heta naohuł chimičnaja harbata. Jana adnaznačna razburaje zdaroŭje, heta ksienabijotyki (čužarodnyja dla arhanizma złučeńni, naprykład, pramysłovyja zabrudžvańni i preparaty bytavoj chimii).

Čajnyja płantacyi apracoŭvajuć piestycydami, što ŭtrymlivajuć ftor, kab tla nie pajeła. I lubaja kitajskaja harbata paśla taho, jak nastaicca 5-6 chvilin, pakidaje ŭ kubku 0,2 milihrama ftoru. Kali nastojvać daŭžej, to i ftoru budzie bolš. A ftor — heta pacučyny jad. Akademik Pakroŭski, dyrektar instytuta charčavańnia RF, pakazaŭ u formule charčavańnia, što čałaviek pavinien spažyvać ftor u kolkaści 0,5-1 milihram. A naša minieralnaja vada «Minskaja-4» utrymlivaje ad 1 da 5 milihram na litr, u «Baržomi» — naohuł 10 milihram na litr.

— Z «minierałkaj» što nie tak?

— Niejak mnie ŭ pole zroku trapiŭsia dyrektar biełaruskaj kampanii, jakaja vyrablaje minieralnuju vadu. Jon mnie kaža: «Balać sustavy. Abyšoŭ usich daktaroŭ, usio pravieryli, ale ničoha nie znajšli». Ja spytaŭ, maŭlaŭ, napeŭna, svaju vadu pjacie? I pačuŭ adkaz: «Tak, dva litry ŭ dzień vypivaju». Ja skazaŭ jamu pierastać heta rabić, tamu što ŭ toj vadzie ftor, jaki ściahvaje na siabie kalcyj. Adkul u arhaniźmie voźmiecca kalcyj, kali ŭ biełarusaŭ jaho i tak niedastatkova, a jaho jašče «vymyvajuć» minieralnaj vadoj.

Minieralnuju vadu jak zvyčajnuju pić nie varta.

Kali doktar prapisaŭ pić miesiac, to dobra. Ale kali jaje pić paŭhoda-hod, heta naškodzić: uźniknie asteadestrukcyja, asteasteroz i asteaparoz. Ftor nie pavinien u takich kolkaściach pastupać u arhanizm. Jaho i tak zašmat u našych praduktach.

— Čamu ŭźnikaje žalezadeficyt?

— Žalezadeficyt pačynajecca z taho momantu, jak u čałavieka pierarazajuć pupavinu z maci.

— Kolki kubkaŭ kavy ci harbaty možna pić u dzień?

— Ich treba pić jak leki. Kali ŭ čałavieka kałaptoidny stan, kali jon upaŭ i trasiecca, tady možna, kali ŭ jaho astma — kafiein dušyć kašal. Kafiein — heta narkotyk.

• 0
• 0
• 0
• 0
• 0
• 0
• 0
• 0