Kanadskija ŭłady abviaścili piersonaj non hrata i zahadali pakinuć krainu ciaham dvuch tydniaŭ rasijskamu dypłamatu, pamočniku vajennaha ataše, padpałkoŭniku Juryju Bieźleru.
Pra heta paviedamlaje Interfaks sa spasyłkaj na kanadskaje vydańnie «Atava Sityzen».
Pavodle dadzienych vydańnia, jon źjaŭlajecca adnym z troch supracoŭnikaŭ vajennaha atašata pry pasolstvie RF u Kanadzie.
Pry hetym hazieta adznačaje, što niajasna, było jaho adklikańnie źviazanaje z padziejami na Ukrainie ci ź incydentam z rasijskim dypłamatam Andrejem Harabcom, jaki atrymaŭ nažavyja ranieńni ŭ vyniku napadu reziervista Uzbrojenych sił Kanady Kievina Marcina 14 sakavika ŭ faje žyłoha doma, dzie pražyvajuć supracoŭniki pasolstva RF u Kanadzie.
Jak užo paviedamlałasia, u sakaviku Atava zapatrabavała adjezdu dzieviaci rasijskich vajskoŭcaŭ, jakija znachodzilisia ŭ Kanadzie pa linii dvuchbakovaha vajennaha supracoŭnictva ŭ suviazi z uvachodžańniem Kryma ŭ Rasiju.
Pavodle dadzienych vydańnia, Ju. Bieźler pracavaŭ u pasolstvie RF u Kanadzie mienš za hod.
Nahadajem, u sakaviku Kanada ŭviała sankcyi ŭ dačynieńni da siami rasijskich i troch krymskich słužbovych asob, jakija «niasuć palityčnuju adkaznaść za kryzis» va Ukrainie.
Sankcyi praduhledžvajuć zabaronu na ŭjezd na terytoryju Kanady i zamarožvańnie aktyvaŭ hetych čynoŭnikaŭ.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary