Ciapier moža adpravicca za kraty.
Pa infarmacyi MUS, namieśnik staršyni Aršanskaha rajona z asabistaj zacikaŭlenaści bolš za dva hady spryjaŭ u śfiery arhanizacyi i viadzieńnia budaŭničych rabot pradpryjemstvu «TopJeŭraBud» (zarehistravana ŭ Minskim rajonie), zasnavalnikam jakoha źjaŭlajecca syn čynoŭnika. Akramia hetaha, jon z vykarystańniem svaich słužbovych paŭnamoctvaŭ i z parušeńniem zakanadaŭstva prymaŭ udzieł u kiravańni finansava-haspadarčaj dziejnaściu firmy.
Sa žniŭnia 2010 pa lipień 2013 padazravany čynoŭnik davaŭ niezakonnyja zahady kiraŭnikam šerahu dziaržaŭnych arhanizacyj Oršy i Aršanskaha rajona, kab tyja pieradavali jamu dla asabistych metaŭ transpart, śpiecyjalnuju techniku, abstalavańnie i rabotnikaŭ.
«Jak vyśvietliłasia, pradpryjemstva «TopJeŭraBud» vystupała subpadradčykam pa budaŭnictvie šmatlikich abjektaŭ u Oršy i rajonie. Ź im zaklučalisia damovy na vykanańnie roznych budaŭniča-mantažnych rabot, niahledziačy na adsutnaść na bałansie pradpryjemstva śpiectechniki, budaŭničaha abstalavańnia, transpartnych srodkaŭ i nieabchodnaj rabočaj siły. Na samoj spravie, pracu pa vusnym zahadzie dziaržaŭnaha słužačaha vykonvali dziaržarhanizacyi Oršy i Aršanskaha rajona, a apłata adpaviedna prachodziła papiarednie na karyść budaŭničaha pradpryjemstva»,
— paviedamili ŭ Ministerstvie ŭnutranych spraŭ.
1 krasavika na čynoŭnika zaviali kryminalnuju spravu za pieravyšeńnie ŭłady i niezakonnuju pradprymalnickuju dziejnaść. Jon znachodziŭsia ŭ izalatary, ale ciapier adpuščany. Vyrašajecca pytańnie ab jaho adchileńni ad pasady, rasśledavańnie praciahvajecca.
U vypadku dakazanaści viny, čynoŭniku pahražaje da dziesiaci hadoŭ kałonii z kanfiskacyjaj majomaści.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary