Fatazdymak, zahružany ŭ sacyjalnuju sietku, dapamoh dyjahnastavać u trochhadovaha dziciaci redkaje zachvorvańnie voka, paviedamlajuć amierykanskija ŚMI.
Tara Tejłar vykłała na svaju staronku fota dački Rajli, kab prademanstravać novuju stryžku dziaŭčynki. Adnak pilny siabar źviarnuŭ ŭvahu na niezvyčajny žaŭtavaty blik u levym voku dziaŭčynki i paviedamiŭ pra heta Tary. Jon ukazaŭ, što taki blik moža być jak i prostym defiektam fatazdymka, tak i simptomam zachvorvańnia siatčatki voka.
Baćki Rajli zrabili jašče niekalki zdymkaŭ dački, na kožnym ź jakich prysutničaŭ toj samy blik. Dziaŭčynku zavieźli da aftalmołaha. Padčas testaŭ vyśvietliłasia, što dziaŭčynka nie bačyć na levaje voka. U vyniku ŭ Rajli dyjahnastavali chvarobu Koatsa — redkuju pryrodžanuju anamaliju sasudaŭ siatčatki.
Chvaroba Koatsa (hamarahičny naružny ekssudatyŭny retynit) zvyčajna raźvivajecca ŭ maleńkich dziaciej (čaściej u chłopčykaŭ) i niezaŭvažanaja moža pryvieści da adsłajeńnia siatčatki i ślepaty. Adnak na rańnich etapach chvaroba Koatsa paddajecca lačeńniu i funkcyju voka možna zachavać.
Taksama treba pamiatać, što zdarovaje voka daje na fatazdymku čyrvony vodblisk. A blik inšaha koleru — padstava abśledavać svoj zrok.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary