Hiermanija zmoža dazvolić sabie biudžet biez zamiežnych pazyčańniaŭ u 2015 hodzie ŭpieršyniu za 46 hadoŭ
FRH moža zaviaršyć 2015 z nulavymi zamiežnymi pazyčańniami ŭpieršyniu za 46 hadoŭ dziakujučy nulavomu deficytu ci navat praficytu biudžetu, paviedamlaje ahienctva Bloomberg.
Jak pieradaje Deutsche Welle, ministr finansaŭ Hiermanii Volfhanh Šojble nazvaŭ biezdeficytny biudžet adnoj z hałoŭnych metaŭ niamieckaha ŭrada.
«Biez mahutnaha praciahłaha ekanamičnaha rostu niama stabilnych finansaŭ, ale i biez stabilnych finansaŭ nie moža być praciahłaha rostu», — zajaviŭ V. Šojble na adkryćci čatyrochdzionnaha pasiadžeńnia Bundestahu, pryśviečanaha biudžetu FRH na nastupny hod.
«My pavinnyja spačatku zarabić toje, što źbirajemsia tracić», — ličyć niamiecki palityk. Pavodle jaho słovaŭ, zbałansavany biudžet — heta «važny krok» na šlachu da taho, kab «dziaržava nie rabiła novych pazykaŭ».
Ukrainski kryzis stavić hiermanskuju metu vychadu na biezdeficytny biudžet pad pahrozu, adznačyŭ V. Šojble.
«Nielha harantavać, što my nie vydatkujem bolš, čym płanavałasia i čym zarobim, naprykład, nichto nie viedaje, čym usio pavierniecca va Ukrainie», — skazaŭ jon u intervju haziecie Das Bild.
Raschodnaja častka biudžetu FRH ŭ 2014 hodzie składzie 298,5 młrd jeŭra, a deficyt, jak čakajecca, budzie samym nizkim za 40 hadoŭ — 6,5 młrd jeŭra suprać 22,1 młrd jeŭra ŭ 2013 hodzie. Hetyja 6,5 młrd jeŭra buduć pakrytyja za košt zamiežnych pazyčańniaŭ. Adnak u nastupnym hodzie, jak ličyć V. Šojble, Hiermanija zmoža dazvolić sabie nie pryciahvać pazykovyja srodki ŭpieršyniu z 1969 hoda.
Takoj biudžetnaj palityki kiraŭnik Minfina źbirajecca prytrymlivacca i dalej — da 2018 hoda, adznačaje ahienctva dpa. Zbałansavany biudžet «pavinien stać novaj normaj» dla Hiermanii, padkreśliŭ ministr.
Kancler FRH Anhieła Mierkiel u sieradu znoŭ zajaviła, što ŭrad stavić pierad saboj metu zabiaśpiečyć u 2015 hodzie pieršy praficyt biudžetu z 1969 hoda.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary