Kiraŭnik Ministerstva zamiežnych spravaŭ Litvy Linas Linkiavičus kaža, što nie chacieŭ by padacca niedypłamatyčnym, ale zajavy rasijskaha kalehi Siarhieja Łaŭrova pra toje, što, zhodna ź mižnarodnymi damoŭlenaściami pamiž Rasijaj i NATA, na terytoryi krain Uschodniaj Jeŭropy nie pavinna być pastajannaj vajskovaj dadatkovaj prysutnaści, nazyvaje śmiešnymi.
«Nie chaču, kab heta prahučała niedypłamatyčna, ale mnie śmiešnyja takija paproki, kali Rasija parušyła ŭsio, što mahčyma. Kali kazać pra dakumient 1997 hoda, to ŭ im prapisanaja pavaha da partnioraŭ, ja navat nie kažu pra terytaryjalnuju cełasnaść i suvierenitet. I u toj čas, kali parušajucca ŭsie asnoŭnyja mižnarodnyja damoŭlenaści, spadziavacca, što chtości pavinien adkazać na pytańnie, čamu parušajucca inšyja damoŭlenaści… Dla mianie takija rečy bolš čym dziŭnyja. Ale taki ciapier styl dyjałohu», — skazaŭ Ł. Linkiavičus paśla kanfierencyi ŭ prezidenckim pałacy, pryśviečanaj palitycy adkrytych dźviarej NATA.
Ministr kaža, što ŭ pieršuju čarhu NATA takoha pytańnia navat nie atrymlivała, tamu, pa sutnaści, heta tolki častka prapahandy.
«Nie było takoha pytańnia da kiraŭnictva NATA. Było tolki tak pradstaŭlena, što chočacca takoje pytańnie zadać. A praz hadzinu, dumaju, źjavicca i kamientar kiraŭnictva NATA», — skazaŭ Linkiavičus.
Nahadajem, što ministr zamiežnych spravaŭ RF S. Łaŭroŭ 3 krasavika zaklikaŭ NATA rastłumačyć naroščvańnie sił Aljansu va Uschodniaj Jeŭropie.
«Što da płanaŭ naroščvańnia vajskovaj prysutnaści sił NATA na terytoryi siabraŭ hetaha aljansu ź liku ŭschodniejeŭrapiejskich dziaržavaŭ, to my, biezumoŭna, zychodzim z taho, što ŭ dačynieńni da Rasii i NATA taksama dziejničajuć peŭnyja praviły, uklučajučy Rymskuju dekłaracyju i asnovatvorny akt Savieta Rasija—NATA, u adpaviednaści ź jakimi nie pavinna być pastajannaj vajskovaj dadatkovaj prysutnaści na terytoryi ŭschodniejeŭrapiejskich dziaržavaŭ», — zajaviŭ jon.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary