U SBU paviedamili, što złavili dyviersanta, jaki płanavaŭ zachop Kachoŭskaj HES
9 krasavika Słužba biaśpieki Ukrainy paviedamiła pra zatrymańnie čarhovaha dyviersanta.
Jak śćviardžajuć u śpiecsłužbie, žychar Chiersonskaj vobłaści razam z uzbrojenaj hrupaj płanavaŭ zachop stratehičnych abjektaŭ, u pryvatnaści Kachoŭskaj HES.
«8 krasavika SB Ukrainy zatrymała žychara Chiersonskaj vobłaści 1960 h.n., jaki płanavaŭ na čale ŭzbrojenaj hrupy ažyćciavić zachop stratehičnych abjektaŭ, u pryvatnaści Kachoŭskaj HES».
Jak paviedamlajuć u SBU, mienavita z hetaj metaj złamyśnik stvaryŭ hrupu ź liku pa-prarasijsku nastrojenych žycharoŭ Chiersonščyny i pry sadziejničańni rasijskaha boku, praz sotnika tak zvanaj samaabarony Kryma, rychtavaŭsia atrymać aŭtamatyčnuju zbroju.
«Vyśvietlena, što ŭkazany hramadzianin, sistematyčna vykonvajučy zadańni vajennaj raźviedki RF, źbiraŭ i pieradavaŭ svaim kurataram u AR Krym infarmacyju ab miescach dysłakacyi i pierasoŭvańniaŭ padraździaleńniaŭ Uzbrojenych Sił Ukrainy ŭ Chiersonskaj vobłaści», — śćviardžajuć u śpiecsłužbie.
Ciapier robiacca ŭsie kroki dla zatrymańnia ŭsich udzielnikaŭ dyviersijnaj hrupy.
Nahadajem, 5 krasavika SBU paviedamiła ab zatrymańni rasijca, jaki sprabavaŭ pierasiekčy dziaržaŭnuju miažu dla arhanizacyi i kaardynacyi prarasijskich akcyj u Łuhansku.
U paviedamleńni adznačajecca, što Raman Bannych «1985 h.n., zarehistravany pa adrasie v/č 13204, jakaja ŭvachodzić u skład HRU Hienštaba VS Rasijskaj Fiederacyi, niepasredna arhanizoŭvaŭ i kaardynavaŭ z terytoryi RF pracu dyviersijnaj hrupy, jakaja dziejničała va Ukrainie».
Słužba biaśpieki Ukrainy vykłała zapis pieramovaŭ, na jakich, jak miarkujecca, Bannych z udzielnikami dyviersijnaj hrupy abmiarkoŭvaje situacyju ŭ rehijonie.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary