Kaliści heta byŭ masavy pryjom u Biełarusi — budaŭnictva z ekałahična čystaha, miascovaha materyjału. Minusam hetych pabudovaŭ była patreba ŭvieś čas ich padnaŭlać. Hetaksama, jak i samyja znakamityja hlinianyja zbudavańni śvietu — u Sachary, u Tymbuktu.
«Smarhonski krajaznaŭca Uładzimir Prychač dasłaŭ cikavy artykuł pra budaŭnictva z hliny. Vyrašyła pašukać padobnyja pabudovy na Astravieččynie. Znajšła, — piša ŭ svaim Fejsbuku žurnalistka z Astraŭca Hanna Čakur. — 80-hadovy haspadar hetaj budyniny raskazaŭ, što niekali heta była kaniušnia. Daŭžynioj kala 100 mietraŭ. Navat moj dzied nie pamiataŭ, kali jaje pabudavali. Dreva daŭno zhniło b, a hlinka, bač, trymajecca. Mnie 100 mietraŭ niepatrebnyja byli, dyk ja traktaram razburyŭ lišniaje i zrabiŭ chlevušok pad svoj pamier».
Stajnia była zbudavana, mahčyma, u siaredzinie XIX stahodździa, pa vielmi staroj technałohii, z vykarystańniem vierasu.
Kali łaska, dasyłajcie cikavyja fotafakty sa svaich miaścin. Heta lohka zrabić praz formu dla navin na sajcie «Našaj Nivy». Fatahrafujcie, filmujcie, zapisvajcie — heta naša spadčyna.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary