Aktyvistka prapucinskaj arhanizacyi šturmavała administracyju Nikałajeva
Hramadzianka RF brała ŭdzieł u sprobach zachopu budynka Nikałajeŭskaj abłasnoj dziaržaŭnaj administracyi viečaram 7 krasavika.
Jana była zafiksavanaja na fota jak udzielnica sprobaŭ šturmu.
Z dapamohaj daśviedčanych nikałajeŭcaŭ jaje atrymałasia identyfikavać – dziaŭčynu zavuć Maryja Kalada. Joj 22 hady, jana žyvie ŭ Maskvie, źjaŭlajecca aktyvistkaj arhanizacyi «Rasija maładaja» i zajmajecca arhanizacyjaj masavych akcyj, časta radykalnaha charaktaru.
Sama dziaŭčyna paćviardžaje, što znachodziłasia ŭ Nikałajevie i ŭdzielničała ŭ sprobach šturmu budynka abłasnoj administracyi, apublikavaŭšy fatahrafii padziei ŭ siabie ŭ sacyjalnych sietkach.
U siabrach u hetaj dziaŭčyny ŭ sacyjalnaj sietcy «VKontaktie» znachodziacca niekalki viadomych nikałajeŭcaŭ — kiraŭnik haradskoj supołki partyi «Ruski błok» Jaŭhienija Bandarenka, były deputat haradskoha savieta, złoŭleny na chabary, Anton Pałavienka, adzin z hałoŭnych arhanizataraŭ prarasijskich mitynhaŭ u Nikałajevie i namiotavaha haradka z rasiejskimi trykalorami pad pomnikam Hierojam-vyzvalicielam. Aproč taho, siabruje maskvička Maryja Kalada i z deputatam Nikałajeŭskaha harsavieta ad Partyi rehijonaŭ Taćcianaj Čyściakovaj.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary