Zabojstva pad Smarhońniu: 54-hadovy zastreliŭ 28-hadovaha z-za žančyny
Detektyŭ z trahičnaj kancoŭkaj razyhraŭsia na chutary Alaniec na Smarhonščynie ŭ sakaviku. Pra heta «Rehijanalnaj haziecie» raskazaŭ načalnik Smarhonskaha rajadździeła Śledčaha kamiteta Andrej Rezin.
Adnym z sakavickich viečaroŭ 54-hadovy žychar Smarhonskaha rajona zaprasiŭ znajomuju žančynu da siabie ŭ hości na chutar Alaniec. Idyliju viesnavoha viečara pierarvaŭ huk padjazdžajučaj mašyny. Jak potym vyśvietliłasia, u mašynie znachodzilisia čaćviora niaprošanych haściej. Mužčyna prysłuchaŭsia.
Raptam u dźviery pahrukali.
«Adčyniaj dźviery, niahodnik! Viarni nam našu žančynu!» − pačuŭsia hołas z-za dźviarej.
Žychar chutara adkazaŭ, što nikoha, akramia jaho, u domie niama. I kali zvonku nie pierastanuć vyłomlivać dźviery, jon vykliča milicyju. Ale mabilnaja suviaź na chutary dała zboj, mabilny telefon haspadara nie zmoh złavić sietku. Tady mužčyna ŭziaŭ palaŭničuju strelbu, što była ŭ domie, i zrabiŭ papieradžalny streł u pavietra. Vyrašyŭšy, što načnyja viziciory spałochalisia i reciravalisia, haspadar vyjšaŭ na dvor. Tam jon zrabiŭ jašče adzin streł naŭprost u ciemru i viarnuŭsia ŭ dom.
U domie jaho čakali dvoje ź niaprošanych haściej, pamiž mužčynami zaviazałasia bojka.
U hetaj bojcy 54-hadovy haspadar atrymaŭ traŭmu tvaru i pierałom rabryn. Pieramahajučy bol, jon znajšoŭ u sabie siły i skarystaŭsia ružžom treci raz. Mužčyna vystraliŭ i trapiŭ adnamu z napadajučych u ściahno. I, pierapužaŭšysia sam, adrazu pačaŭ akazvać pieršuju dapamohu paciarpiełamu. Paśla hetaha sam vyklikaŭ «chutkuju dapamohu» i milicyju (telefon užo pracavaŭ).
Na nastupny dzień paciarpieły, im akazaŭsia 28-hadovy žychar Maładziečanskaha rajona, pamior u balnicy. Jaho ranieńnie akazałasia vielmi surjoznym i ciažkim.
Pa fakcie zabojstva pry pieravyšeńni miežaŭ samaabarony zaviedzienaja kryminalnaja sprava. U ciapierašni čas vyśviatlajucca matyvy i abstaviny dadzienaj spravy. Kropku ŭ hetym pastavić tolki sud. Pa papiaredniaj infarmacyi, napadajučyja šukali na chutary žančynu, jakaja była pavinna im niejkija dakumienty.
«Maral hetaj historyi ŭ tym, − padvioŭ rysu ŭ razmovie Andrej Rezin, − što nie treba hulać u bandytaŭ i raźjazdžać pa nieznajomych chutarach, navat kali vy heta robicie z-za žančyny».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary