Cikavaja virusnaja rekłama ad velcom pa-biełarusku VIDEA
Da svajho jubileju kampanija mabilnaj suviazi velcom prezentavała novy biełaruskamoŭny rolik velcom ź pieśniaju Lavona Volskaha.
U roliku hučyć pieśnia «Prostyja słovy» Michała Aniempadystava ŭ vykanańni Lavona Volskaha.
Na prykładzie adnoj siamji ŭ roliku raskazvajecca pra dobryja vypadki, jakija mohuć zdarycca ŭ žyćci kožnaha. Padziei adbyvajucca ciaham 15 hadoŭ — z 1999 da 2014. Adnak historyja — heta nia tolki pozirk u minułaje, ale i novy start u budučyniu. Tak u cełym možna apisać hałoŭnuju ideju siužetu.
Voś što z nahody źjaŭleńnia śviatočnaha rolika raskazaŭ Źmicier Kurłovič, načalnik adździełu kiravańnia brendam kampanii velcom:
«U nas jość aficyjnaja data naradžeńnia kampanii velcom — 15-hodździe budziem adznačać na nastupnym tydni, 16 krasavika. Ale my vyrašyli, što budziem adznačać naš jubilej uvieś miesiac. Što tyčycca rolika, to ŭsio zdymałasia ŭ Biełarusi — u Miensku ci vakoł jaho, niekatoryja sceny zdymalisia na Baravoj.
Sama ideja była litoŭskaha reklamnaha ahienctva «Not Perfect». Ale z ulikam taho, što ŭ litoŭcaŭ usio ž svoj pohlad na toje, što adbyvałasia za praminułyja paŭtara dziasiatka hadoŭ, my ŭnosili karektyvy, rabili ŭsio heta bolš biełaruskim. Nu i, zrazumieła, napisali biełaruski tekst dla dyktara».
«Pasuje ahulnamu nastroju muzyčny fon — «Prostyja słovy» Lavona Volskaha i Michała Aniempadystava. Jak naradziłasia ideja skarystać mienavita hetuju kampazycyju?»
«My adpačatku šukali niešta takoje, kab nam pasavała pa ŭsich parametrach. Ideja «Prostych słovaŭ» źjaviłasia ŭžo padčas zdymkaŭ. Adrazu ž źviazalisia ź Lavonam i Michałam, jany dali svoj dazvoł. Paśla hetaha my pierapisali ź Lavonam jahony vakał, bo prosta ŭziać pieśniu i padrezać jaje — atrymałasia b nie zusim prafesijna. Tamu muzyki pierapisali muzyku, a paśla my zaprasili Volskaha, i jon užo zapisaŭ słovy. Takim čynam, užo siońnia rolik źjavicca ŭ teleefiry, a ŭčora my jaho vykłali ŭ YouTube».
Dla velcom stała ŭžo tradycyjnym zdymać imidžavyja roliki na biełaruskaj movie.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary