«Krasavik — toj miesiac, kali nośbity prezydenckich ambicyjaŭ musiać zajavić pra heta publična. Dalej ciahnuć nia treba», — takuju zajavu zrabiŭ siońnia na pasiedžańni z ekspertami staršynia Abjadnanaj hramadzianskaj partyi Anatol Labiedźka.
Apazycyjnyja palityki i palitolahi abmierkavali vyniki miascovaj vybarčaj kampanii i vyznačyli, što karysnaha ź jaje možna ŭziać u budučuju prezydenckuju kampaniju.
Lider partyi «Spraviadlivy śviet» Siarhiej Kalakin ličyć, što pakul apazycyja idzie nia ŭ toj bok:
«Dla mianie nieprymalnaja sytuacyja, kali šmat havorać pra praceduru vyznačeńnia adzinaha kandydata ad demakratyčnych siłaŭ, nia majučy samich kandydataŭ. Pakul, nakolki ja viedaju, pra svoj namier vyłučacca kandydatam u prezydenty ad demakratyčnych siłaŭ zajaviŭ tolki Ŭładzimier Niaklajeŭ. I kali jon zastaniecca adzinym, dyk navošta haradzić usie hetyja kanhresy, prajmeryz i tamu padobnaje? A moža, akramia Niaklajeva, źjavicca jašče adzin demakratyčny kandydat — tady jany siaduć udvuch za stoł i damoviacca pamiž saboj. A kali jany nie damoviacca, dyk nijaki kanhres tut nie dapamoža», — zajaviŭ Siarhiej Kalakin.
Ahladalnik Paŭluk Bykoŭski vykazaŭ mierkavańnie, što času dla vyznačeńnia adzinaha kandydata ad demakratyčnych siłaŭ zastajecca mała, i tamu treba zakančvać biaskoncyja razmovy pra «adzinaha». Pretendenty na hetuju rolu pavinny abjavicca ŭžo zaraz.
