Mahiloŭski vyšejšy kaledž MUS adkryŭ nabor dla dziaŭčat na fakultet milicyi pa śpiecyjalnaści «pravavoje zabieśpiačeńnie hramadskaj biaśpieki».
Jak paviedamiŭ namieśnik načalnika vyšejšaha kaledža pa ideałahičnaj pracy i kadravym zabieśpiačeńni pałkoŭnik milicyi Uładzimir Śviatličny, konkurs čakajecca vielmi vysoki: prykładna 10 —15 čałaviek na miesca.
Užo zaraz na sajcie kaledža siarod žadajučych pastupić u navučalnuju ŭstanovu zarehistravalisia 62 dziaŭčyny, a na padrychtoŭčym adździaleńni kaledža navučajucca 28. Pa dadzienych rajadździełaŭ AUS Biełarusi, 159 dziaŭčat padali zajavy i afarmlajucca ŭ jakaści abituryjentaŭ.
«Va ŭsich dziaŭčat majecca mahčymaść prajści našy padrychtoŭčyja kursy, jakija značna pavyšajuć šancy na pastupleńnie ŭ VNU. U minułym hodzie 94% słuchačoŭ, jakija prajšli poŭny kurs navučańnia, stali kursantami abo studentami vyšejšych navučalnych ustanoŭ. Akramia taho, słuchačy, jakija prajšli navučańnie na padrychtoŭčych kursach, majuć pieravažnaje prava pry zaličeńni ŭ Mahiloŭski vyšejšy kaledž MUS», — adznačyŭ Uładzimir Śviatličny.
Poŭny termin navučańnia składaje 4 hady, paśla vydajecca dypłom ab vyšejšaj adukacyi z prysvajeńniem kvalifikacyi «juryst» i śpiecyjalnaha zvańnia siaredniaha načalnickaha składu orhanaŭ unutranych spraŭ Biełarusi «lejtenant milicyi».
Z 1 vieraśni 2014 h. Mahiloŭski vyšejšy kaledž MUS budzie nazyvacca Mahiloŭskim instytutam ministerstva ŭnutranych spraŭ, i tamu abituryjenty, jakija pastupili ŭ 2014 hodzie ŭ kaledž, atrymajuć u 2018 hodzie dypłom ab zakančeńni instytuta.