Trochhadovy chłopčyk, jakoha baćka vykraŭ u maci ŭ Sievieramorsku Murmanskaj vobłaści, byŭ vyviezieny ŭ Biełaruś.
Ciapier jon znachodzicca ŭ pradstaŭnikoŭ orhanaŭ apieki. Jak paviedamiła pradstaŭnik SUSK pa Murmanskaj vobłaści Taćciana Kavalova, baćki chłopčyka raźvialisia, baćka mieŭ prava bačycca ź dziciem dva razy na tydzień. 4 krasavika aboje baćkoŭ ź dziciem znachodzilisia ŭ kaviarni ŭ Sievieramorsku. Prydumaŭšy nahodu, baćka vyvieŭ chłopčyka z kaviarni i pavioz u nieviadomym kirunku. Da pošukaŭ dziciaci padklučylisia pravaachoŭnyja orhany, była zaviedzienaja kryminalnaja sprava. Mužčynu abjavili ŭ fiederalny vyšuk.
«Była atrymanaja infarmacyja, što chłopčyka mahli vyvieźci ŭ Biełaruś, jana paćvierdziłasia. Dzicia znojdzienaje ŭ Biełarusi, jaho miescaznachodžańnie vyśvietlenaje, jon znachodzicca ŭ pradstaŭnikoŭ orhanaŭ apieki», — paviedamiła Kavalova. Pavodle jaje słovaŭ, vyrašajecca pytańnie ab viartańni chłopčyka ŭ Murmansk.
Pavodle infarmacyi ŭpaŭnavažanaha pa pravach dziciaci ŭ Murmanskaj vobłaści Barysa Kohana, miescaznachodžańnie dziciaci vyśvietlili svajaki i paviedamili biełaruski adras ambudsmienu. «Ja adrazu źviarnuŭsia ŭ sielski vykankam i orhany apieki. Jany pryjechali pa adrasie i ŭbačyli chłopčyka. Biełaruski bok pastaviŭsia da hetaha z uvahaj, vielmi dapamoh», — skazaŭ Kohan.
Pavodle jaho słovaŭ, dzicia pieraniesła stres, jaho fizičny i psichałahičny stan vyklikaje tryvohu ŭ supracoŭnikaŭ orhanaŭ apieki. «Jany abiacali akazać nieabchodnuju dapamohu. Akramia taho, mama chłopčyka źbirajecca vylecieć pa jaho», — dadaŭ Kohan.
Kamientary