U Biełarusi nieabchodna adpracavać ałharytm niepasrednych subsidyj nasielnictvu na apłatu žyllova-kamunalnych pasłuh.
Pra heta padčas žyvoj linii, arhanizavanaj u haziecie «SB. Biełaruś siehodnia», zajaviŭ namieśnik premjer-ministra Anatol Kalinin.
«My płanujem uvieści bieznajaŭnyja žyllovyja subsidyi, kab vyklučyć subsidyjavańnie haliny ŭ kamunalnaj haspadarcy i kab srodki nakiroŭvalisia mienavita spažyŭcu pasłuh — čałavieku. Nam treba jašče vyrazna adpracavać ałharytm, i potym my prainfarmujem ab hetym nasielnictva ŭ ramkach rabočaj hrupy», — skazaŭ vice-premjer. Jon udakładniŭ, što nie hatovy dakładna skazać ab pracentach, adnak pryvioŭ prykład: kali sukupny dachod siamji składaje peŭnuju nievialikuju sumu, to ŭładalnik žylla maje prava apłačvać pasłuhi na 80% i atrymlivać 20% subsidyj.
U respublicy stvoranaja rabočaja hrupa dla vyvučeńnia prablemnych pytańniaŭ u śfiery ŽKH pad kiraŭnictvam staršyni Kamiteta dziaržaŭnaha kantrolu, jakaja ŭ tym liku razhladaje pytańni taryfnaj palityki. U najbližejšyja miesiacy płanujecca padvieści vyniki hetaj dziejnaści. Pa vynikach budzie padrychtavany narmatyŭny dakumient, jaki razhledziać na najvyšejšym dziaržaŭnym uzroŭni. «Prymiem taki dakumient, jaki budzie značna źmianiać situacyju pa jakaści pasłuh, pa ich prazrystaści», — zapeŭniŭ Anatol Kalinin.
Kamientary