Viačasłaŭ Nikanaŭ nazvaŭ žycharoŭ Rasii «halinaj aryjskaha plemieni» i zajaviŭ pra ich asablivuju misiju. Hetuju zajavu jon zrabiŭ 8 krasavika z nahody praviedzienieha ŭ Dumie «kruhłaha stała» na temu źmiestu padručnikaŭ historyi.
U abmierkavańni pad nazvaj «Rasiejskaja histaryčnaja tradycyja: źmiest padručnikaŭ historyi» ŭziali ŭdzieł deputaty Dumy i členy Rady Fiederacyi, rasijskija historyki «pravilnaha kirunku», pradstaŭniki fiederalnych ministerstvaŭ i viedamstvaŭ, subjektaŭ fiederacyi, rektary VNU i dyrektary škoł, duchavienstva, hramadskija dziejačy.
Pa słovach staršyni dumskaha kamiteta pa adukacyi Nikanava, tema dyskusii važnaja nie tolki dla sistemy adukacyi, ale i dla ŭsiaho rasijskaha hramadstva.
«Ad taho, što budzie napisana ŭ padručnikach, zaležyć staŭleńnie cełaha pakaleńnia moładzi da historyi svajoj krainy. U našaj Ajčyny vialikaje minułaje. Halina aryjskaha plemieni spuściłasia z Karpackich hor, mirna zasialiła Vialikuju Rasijskuju raŭninu, Sibir, najchaładniejšuju častku płaniety, dajšła da Cichaha akijana, zasnavała Fort-Ros, uvabrała ŭ siabie soki najbahaciejšych kultur Vizantyi, Jeŭropy, Azii, razhramiła najstrašniejšaha voraha čałaviectva — nacyzm, prakłała darohu ŭ kosmas», — skazaŭ Nikanaŭ.
Na aryjskija i niearyjskija narody dzialili niamieckija nacysty.
Viačasłaŭ Nikanaŭ — palitołah. Jon unuk stalinskaha narkama Viačasłava Mołatava, aŭtara pakta Mołatava-Rybientropa.
Kamientary