Skandalna viadomy rasijski akcior Alaksiej Panin sprabavaŭ skončyć žyćcio samahubstvam, paviedamlajuć rasijskija ŚMI.
Artyst nahłytaŭsia supakajalnych srodkaŭ, adnak na dapamohu svoječasova pryjšli daktary.
Sam artyst patłumačyŭ taki adčajny ŭčynak tym, što byŭ vielmi zasmučany rašeńniem žonki syści ad jaho.
Paźniej Panin, praŭda, pryznaŭsia, što heta nie byŭ suicyd, a jon prosta nie raźličyŭ dozy:
— Ja troški pierabraŭ supakajalnaha, ad jakoha mnie stała kiepska. Daviałosia prosta vyklikać «chutkuju dapamohu», i daktary mianie pračyścili, pramyli, zrabili kropielnicu i pryviali ŭ paradak.
Pry hetym Alaksiej padkreśliŭ, što źbirajecca praciahvać žyć tolki dziela svaich maci i dački.
Akcior pryznaŭsia, što nie ŭjaŭlaje svajho dalejšaha žyćcia biez kachanaj žonki i nizašto nie daść joj razvodu.
«Lusia zaŭsiody budzie majoj žonkaj. Kali jana nie budzie majoj žonkaj, jana budzie majoj udavoj. U trunie ja budu lažać u piarścionku. Ja nie daviadu da razvodu. Adzinaje, što mianie spyniaje, — heta maja dačka i maja mama. Heta adkaznaść. U mianie jość dačka, u mianie jość mama, i, viadoma, ja nie varjat, kab u adnu siekundu ŭziać usio i pierakreślić. Kali b na mnie nie było hetaj adkaznaści, ja b u Kazachstanie nie vyklikaŭ «chutkuju», — raskazaŭ Panin.
U Kazachstanie artyst znachodziŭsia z hastrolami i sarvaŭ adzin sa śpiektaklaŭ sa svaim udziełam. Jon źjaviŭsia na premjeru ŭ niećviarozym vyhladzie, a potym jašče i ŭvarvaŭsia ŭ zału dla hledačoŭ, skazaŭšy, što zmoža hrać siońnia, adnak usie ŭžo zaŭvažyli ŭ jakim jon stanie, i pakinuli zału.
Kamientary