Biełaruskaje piva źjaŭlajecca bolš jakasnym i naturalnym u paraŭnańni ź impartnym.
Takoje mierkavańnie vykazaŭ Alaksandr Łukašenka siońnia na naradzie ab stanie i pierśpiektyvach raźvićcia pivavarnaj haliny Biełarusi.
«Ja chacieŭ by pačuć ad vas, čyjo piva my siońnia pjom. Vy pjacie — nie ja, — skazaŭ jon, źviartajučysia da ŭdzielnikaŭ narady. — Mianie heta naściarožvaje: vy što, impartnaje piva ličycie lepšym za našaje i dumajecie dalej trucić biełaruski narod?»
Jak adznačyŭ Łukašenka, pa zajavach daśviedčanych śpiecyjalistaŭ i ludziej, jakija ŭžyvajuć piva, impartnaja pradukcyja našpihavanaja roznaha rodu smakavymi dadatkami i kansiervantami.
«Biełaruskaje piva — naturalnaje», — upeŭnieny jon.
U paćvierdžańnie Łukašenka raspavioŭ, što možna pravieści prosty ekśpierymient, kab asabista ŭ hetym pierakanacca: «Kali idziacie ŭ łaźniu, vaźmicie impartnaje piva i ajčynnaje — jak u nas było pryniata pyrsnuć na kamiani — paniuchajcie, čym heta ŭsio pachnie. Biełaruskaje piva — heta pach chleba. Heta ŭsio žyvoje i naturalnaje».
Łukašenka taksama vykazaŭ mierkavańnie, što ŭ pytańni jakaści niama pramoj ŭzajemasuviazi z madernizacyjaj i vykarystańniem vysokatechnałahičnaha abstalavańnia. «Časam na zvyčajnych samahonnych aparatach robiać takoje pitvo, što pobač nie stajali nijakaja harełka ci piva. Heta nie maja vysnova. Ja taksama nie vialiki śpiecyjalist u samahoncy, viski, kańjak i inšym. Ale tak kažuć ludzi. Jany naadvarot trymajucca za hety stary kaciałok «, - adznačyŭ biełaruski lider.
Prezident u suviazi z hetym raskazaŭ, što niadaŭna hladzieŭ telepieradaču pra padarožža adnaho z žurnalistaŭ pa Niamieččynie, dzie ŭ tym liku raspaviadałasia ab vytvorčaści niamieckaha šnapsa pa tradycyjnaj technałohii. « Pakazvajuć hety aparat - jon taki staražytny. A žurnalisty pjuć i ablizvajucca - šnaps samy lepšy. Dyk čamu hety čałaviek, jaki vyrablaje šnaps, nie mianiaje abstalavańnie na supiersučasnaje? « - Skazaŭ Prezident Biełarusi.
«Ja nie kažu, što madernizacyja nie patrebna, ale nie treba, pabyvaŭšy na Zachadzie, ubačyŭšy niešta bliskučaje, tudy biehčy. Ale my pabiehli «, - zaŭvažyŭ kiraŭnik dziaržavy. -
Łukašenka taksama raskrytykavaŭ biełaruskuju pivavarnuju halinu za zdaču pazicyj.
Jon nahadaŭ, što ŭ papiaredni raz adpaviednyja pytańni abmiarkoŭvalisia prykładna siem hadoŭ tamu. Tady byli pryniaty rašeńni ab bujnamaštabnym techničnym pieraasnaščeńni pivavarnych zavodaŭ, ab praviłach uvachodžańnia na biełaruski rynak viadučych suśvietnych pivavarnych kampanij.
Taksama byli pastaŭlenyja zadačy stvareńnia sučasnych vytvorčaściej, naroščvańnia mahutnaściej, pavieličeńnia vypusku biełaruskich brendaŭ piva i vytvorčaści impartazamiaščalnaj pradukcyi.
«Ja zychodziŭ tady z taho, što piva — heta taksama ałkahol (ja, uvohule, nie razumieju smaku piva i jaho praktyčna nie pju). Ałkahol — heta zaŭsiody vysokadachodnaja halina, jakaja prynosić vialikija dyvidendy biudžetu. Dyk čamu jana nie prosta kulhaje, a źniščajecca?
— pastaviŭ pytańnie kiraŭnik dziaržavy. — Heta hałoŭnaja pryčyna siońniašniaj narady».
Alaksandr Łukašenka adznačyŭ, što hubiernatary i ŭrad časta ŭnosiać roznyja prapanovy ab čarhovym prodažy zavodaŭ i akcyj.
«U mianie ŭźnikaje pytańnie: vysokadachodnaja halina — čamu vy jaje chočacie zbahryć? I, jak dalej pabačym, vy jaje prosta źniščyli», — skazaŭ jon.
Kamientary