Karespandenta «Biełsata» Alesia Barazienku źbili ŭ Daniecku
Jon zdymaŭ telesiužet, sieparatysty napali na jaho dy źbili.
Kali karespandent Aleś Barazienka zdymaŭ siužet dla niezaležnaha telekanała kala budynka Danieckaj abłasnoj administracyi, da jaho prysłuchoŭvalisia padazronyja maładziony. «Im, napeŭna, niešta nie vielmi spadabałasia, i jany pačali za mnoju sačyć», — raspavioŭ žurnalist. Praź niekatory čas maładziony naścihli Alesia dy nanieśli niekalki ŭdaraŭ u žyvot i ŭ tvar dy raśsiekli hubu.
Kala budynku Danieckaj abłasnoj administracyi praciahvajecca mitynh. Usie čakajuć šturmu, chodziać čutki, što ŭ Danieck ruchajucca vojski, ale paćvierdžańnia hetamu niama. «Što tyčycca nastrojaŭ u samim horadzie, to jany nieadnaznačnyja. Šmat ludziej niezadavolenyja ciapierašnimi ŭładami ŭ Kijevie, ale daloka nie ŭsie hatovyja dziela hetaha pierajści na bok Rasiei, choć, viadoma, i takija jość», — adznačyŭ karespandent.
Kamientary