Prezident Armienii Sierž Sarhsian zajaviŭ, što bolš nie budzie bałatavacca na pasadu prezidenta ci premjer-ministra.
«Zajaŭlaju aficyjna da pačatku pracesu abmierkavańniaŭ pa kanstytucyjnych reformach, što ja nikoli bolš nie budu bałatavacca na pasadu prezidenta Respubliki Armienija», — skazaŭ Sarhsian na sustrečy z členami śpiecyjalizavanaj kamisii pry prezidencie Armienii pa kanstytucyjnych reformach.
«Kali pa vynikach abmierkavańniaŭ budzie pryniaty šlach, jaki nie adpaviadaje majoj voli, maju na ŭvazie parłamienckuju madel kiravańnia, to ja nie budu pretendavać taksama na pasadu premjer-ministra», — dadaŭ jon.
Sarhsian taksama ličyć, što adzin čałaviek za svajo žyćcio nie pavinien pretendavać u Armienii na vysokija pasady kiravańnia krainaj bolš za dva razy.
Sarhsian vyjhraŭ vybary ŭ 2008 h., u lutym 2013 h. jon byŭ abrany na druhi termin.
Kamientary