Łukašenka: Ja taksama nie vialiki śpiecyjalist u samahoncy, viski, kańjaku
Siońnia na naradzie ab stanie i pierśpiektyvach raźvićcia pivavarnaj haliny Biełarusi Łukašenka taksama vykazaŭ mierkavańnie, što ŭ pytańni jakaści niama pramoj ŭzajemasuviazi z madernizacyjaj i vykarystańniem vysokatechnałahičnaha abstalavańnia.
«Časam na zvyčajnych samahonnych aparatach robiać takoje pitvo, što pobač nie stajali nijakaja harełka ci piva. Heta nie maja vysnova. Ja taksama nie vialiki śpiecyjalist u samahoncy, viski, kańjaku i inšym. Ale tak kažuć ludzi. Jany naadvarot trymajucca za hety stary kaciałok», — adznačyŭ Łukašenka.
Jon u suviazi z hetym raskazaŭ, što niadaŭna hladzieŭ telepieradaču pra padarožža adnaho z žurnalistaŭ pa Niamieččynie, dzie ŭ tym liku raspaviadałasia pra vytvorčaść niamieckaha šnapsu pa tradycyjnaj technałohii.
«Pakazvajuć hety aparat — jon taki staražytny. A žurnalisty pjuć i ablizvajucca — šnaps samy lepšy. Dyk čamu hety čałaviek, jaki vyrablaje šnaps, nie mianiaje abstalavańnie na supiersučasnaje?» — skazaŭ Łukašenka.
«Ja nie kažu, što madernizacyja nie patrebna, ale nie treba, pabyvaŭšy na Zachadzie, ubačyŭšy niešta bliskučaje, tudy biehčy. Ale my pabiehli», — zaŭvažyŭ jon.
Kamientary