Słužba biaśpieki Ukrainy pierachapiła telefonnyja razmovy sieparatystaŭ u Słaviansku ź ich rasijskim kiraŭnictvam.
Adpaviedny aŭdyjozapis SBU apublikavała na svaim kanale na Youtube.
«Dakumientalna paćvierdžanyja materyjały Słužby biaśpieki Ukrainy śviedčać ab tym, što va Ŭschodniaj častcy Ukrainy adbyvajecca šyrokamaštabnaja vajennaja ahresija Rasijskaj Fiederacyi, jakaja ažyćciaŭlajecca siłami raźviedvalna — dyviersijnych hrup HRU hienštaba ŭzbrojenych sił RF», — havorycca ŭ paviedamleńni SBU.
Pa paviedamleńni SBU, hetyja hrupy, vykarystoŭvajučy ciažkaje ŭzbrajeńnie, zachoplivajuć budynki pravaachoŭnych orhanaŭ, orhanaŭ dziaržaŭnaj ułady i miascovaha samakiravańnia.
«Metaj dziejnaści hetych dyviersijnych hrup źjaŭlajecca teraryzavańnie miascovaha nasielnictva, zryŭ pieramovaŭ u farmacie Ukraina — ZŠA — ES — RF i źniščeńnie ŭkrainskich pravaachoŭnikaŭ», — adznačyli ŭ SBU.
