SZAT "Mahiloŭski vahonabudaŭničy zavod" na praciahu dvuch bližejšych hadoŭ pavialičyć mahutnaści vytvorčaści da 1100 vahonaŭ u hod. Ab hetym paviedamiŭ premjer-ministr Biełarusi Siarhiej Sidorski, jaki z rabočaj pajezdkaj znachodziŭsia ŭ Mahiloŭskaj vobłaści.
Pry hetym jon adznačyŭ, što ŭ Biełarusi stvarajecca novaja halina mašynabudavańnia. Na pieršym etapie asvojena vytvorčaść va ŭsich technałahičnych cykłach vyrabu minierałavoza i paŭvahona. Pakul pradpryjemstva pracuje na impartnych kamplektach, ale praduhledžana ŭžo praz dva hady vypuskać kala 50-60 pracentaŭ kamplektujučych, dla čaho płanujecca madernizavać isnujučuju vytvorčaść, stvaryć sučasnyja ŭčastki farbavańnia, rezki mietału, asvoić składanaje lićcio. Dla ŭsiaho hetaha treba budzie pryciahnuć kala $35 młn. inviestycyj.
SZAT "Mahiloŭski vahonabudaŭničy zavod" zarehistravana ŭ sakaviku 2005 hoda. Jaho zasnavalniki: ź biełaruskaha boku RUP "BiełAZ" (60 pracentaŭ akcyj) i pryvatny rasijski kapitał (40 pracentaŭ).
Kamientary