Alaksandr Łukašenka prapanuje «Urałkaliju» vyznačycca, jak dziejničać dalej u intaresach kampanij i dźviuch krain.
Ab hetym kiraŭnik dziaržavy zajaviŭ siońnia na sustrečy z namieśnikam staršyni savieta dyrektaraŭ AAT «Urałkalij», staršynioj savieta dyrektaraŭ AAT «Abjadnanaja chimičnaja kampanija «Urałchim» Dźmitryjem Maziepinym.
Alaksandr Łukašenka pryniaŭ Dźmitryja Maziepina pa jaho prośbie.
«U peŭnaj stupieni heta asablivaja histaryčnaja sustreča paśla taho, što adbyvałasia ŭ nas u adnosinach z byłymi akcyjanierami vašaj kampanii, — skazaŭ Łukašenka. — Vielmi znakava toje, što vy pryjechali da nas dla abmierkavańnia prablem, jakija isnujuć jašče siońnia, napeŭna, u adnosinach pamiž našymi kampanijami, mahčyma, navat pamiž dziaržavami niejki asadak zastaŭsia».
«Samaje hałoŭnaje — nam treba paraicca, jak budziem žyć dalej, jak budziem dziejničać u pierśpiektyvie», — adznačyŭ kiraŭnik dziaržavy. «Siońnia my ŭpeŭnieny ŭžo, što ad taho, što adbyłosia na kalijnym rynku, nichto nie vyjhraŭ jak minimum. My tak i mierkavali ŭ svoj čas», — skazaŭ Alaksandr Łukašenka.
Łukašenka padkreśliŭ, što hatovy da abmierkavańnia ŭsich pytańniaŭ, adkazać na ich «absalutna ščyra, biez usialakaj dypłamatyi, skryvać tut niama čaho». «Treba siońnia vyznačycca, jak my budziem dziejničać dalej u intaresach našych kampanij i našych dziaržaŭ. My hatovy da abmierkavańnia hetych pytańniaŭ. Niekatoryja našy pryncypovyja pazicyi vy viedajecie, my ich nikoli nie skryvali i nie skryvajem. Mahčyma, u vas buduć niejkija prapanovy. Ja dumaju, što my zmožam ščyra pahavaryć, abmianiaca mierkavańniami ab situacyi vakoł nas, asabliva heta faktar Ukrainy i destabilizacyja abstanoŭki ŭ zachodnim rehijonie, jak heta ŭpłyvaje, budzie ŭpłyvać na pazicyi, vašy i našy intaresy ŭ bližejšym budučym», - skazaŭ kiraŭnik dziaržavy.
«Ale hałoŭnaje, kab my z vami ŭsio ž taki ŭ hetaj nieraźbiarysie i paśla jaje vyjšli z najmienšymi stratami, pa-pieršaje, a pa-druhoje, zmahli b atrymać ad hetaha nie pastajannyja straty, a peŭnyja dyvidendy, tamu što heta biźnies i, zrazumieła, jon pavinien być karysnym vam i našaj kampanii, našaj dziaržavie», - padkreśliŭ Łukašenka
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary