Siońnia stała viadoma, što ŭ adnosinach da Paŭła Sieluna vykanany śmiarotny prysud, choć jahony zvarot jašče znachodzicca na razhladzie Kamiteta pa pravach čałavieka AAN.
12 červienia 2013 Hrodzienski abłasny sud pryznaŭ Paŭła Sieluna vinavatym pa čatyroch artykułach Kryminalnaha kodeksa: zabojstva dźviuch asob, učynienaje z asablivaj žorstkaściu; kradziož; ździek nad trupami; kradziož asabistych dakumientaŭ. Da hetaha małady čałaviek nie mieŭ sudzimaściaŭ. Svaje dziejańni jon patłumačyŭ reŭnaściu – zabityja – jahonaja žonka i jaje kachanak, jakich jon zastaŭ u adnoj kvatery.
Pa sukupnaści złačynstvaŭ sud pieršaj instancyi pryhavaryŭ Paŭła da vyklučnaj miery pakarańnia — rasstrełu. Praces vioŭ sudździa Anatol Zajac.
Sialun padaŭ kasacyjnuju skarhu na prysud. 17 vieraśnia 2013 jaje razhladała sudovaja kalehija Viarchoŭnaha suda pad staršynstvam Valera Kalinkoviča i vyrašyła pakinuć prysud u sile.
Maci Paŭła Sieluna źviarnułasia da Łukašenki i tahačasnaha kiraŭnika BPC Fiłareta z prośbaj paspryjać tamu, kab jaje syna pamiłavali – zamianili śmiarotnaje pakarańnie na alternatyŭnaje – pažyćciovaje źniavoleńnie. Sam Pavieł taksama źviarnuŭsia z prašeńniem ab pamiłavańni na imia Łukašenki.
Siońnia maci Paŭła Sieluna daviedałasia ad advakata, što prysud pryviedzieny ŭ vykanańnie. Advakat pryjšła na sustreču z padabaronnym, adnak u SIZA joj paviedamili, što
Sialun «vybyŭ pa prysudzie». Na zvyčajnaj movie heta značyć rasstreł.
Nijakich piśmovych dakumientaŭ ci paviedamleńniaŭ svajakam Paŭła nie dasłali. Maci da apošniaha nie viedała rašeńnia kamisii ab pamiłavańni, datu vykanańnia prysuda. U bližejšyja dni jana źbirałasia na spatkańnie z synam.
* * *
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary