Paśla anieksii Kryma paŭvostraŭ apanavali rasiejcy z susiednich rehijonaŭ, jakija skuplajuć tannyja tavary ŭ miascovych kramach.
Pra heta paviedamlaje sajt «Krym.Realii».
Popyt na krymskija tavary źviazany z adčuvalnaj roźnicaj u košcie, pakolki ŭ Rasijskaj Fiederacyi košt praduktaŭ, adzieńnia i abutku, budmateryjałaŭ značna vyšej.
Jak adznačaje sajt, asabliva adčuvalnaja roźnica ŭ košcie i jakaści ałkaholnych i tytuniovych vyrabaŭ — dziela ich žychary Kubani nie lanujucca pieraadoleć na paromie Kierčanski praliŭ. Miascovych žycharoŭ padobnyja «šop-tury» nie radujuć:
krymčanie ŭžo sutyknulisia z novaj realnaściu, u jakoj praktyčna štodnia daražejuć tavary.
Nie chavajuć svajho rasčaravańnia i piensijaniery. «Akazałasia, što košty ŭ nas na niekatoryja pradukty nižej, u tym liku miasa, na budmateryjały — taksama. Viazie Kubań adsiul usie, što možna. A ŭ nas — ceny istotna padskočyli! Tavary z taho boku pryvoziać, a jany daražej! Niejak heta ŭsio niapravilna», — pišuć na miascovych forumach.
Miascovyja žychary narakajuć, što kali tak i dalej pojdzie, to ŭsie pavieličeńni ŭ vypłatach na 25-50% jak raz i ŭraŭniajuć cenavuju roźnicu.
«I tady abiacanaje pavieličeńnie piensii i zarobkaŭ u razy nie stanie pavieličeńniem, a prosta zraŭniajecca z macierykovym», — adznačajuć na krymskich forumach.
Akramia taho, turboty krymčanam dadaje i kurs dalara, z-za jakoha rezka vyraśli ceny na budmateryjały, bytavuju techniku i inšyja tavary, i kurs rubla, jaki ŭvieś čas źmianiajecca ŭ abmiennych punktach i na ceńnikach u kramach. U toj ža čas, pavyšeńnie piensij i zarobkaŭ adbyvajecca vielmi pavolna, adznačajuć miascovyja žychary.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary