AAT «Bank raźvićcia Respubliki Biełaruś» adkryje avijakampanii «Biełavija» kredytnuju liniju ŭ abjomie 52 młn. dołaraŭ ZŠA na nabyćcio novych pavietranych sudnaŭ. Dahavor ab adkryćci kredytnaj linii byŭ padpisany 18 krasavika ŭ Minsku staršynioj praŭleńnia Banka raźvićcia Siarhiejem Rumasam i hienieralnym dyrektaram AAT «Avijakampanija «Biełavija» Anatolem Husaravym.
Jak paviedamiŭ žurnalistam na bryfinhu Anatol Husaraŭ, havorka idzie ab pavieličeńni parku pavietranych sudnaŭ «Biełavia» šlacham nabyćcia dvuch samalotaŭ Embraer-195 LR. Pastaŭka pieršaha pavietranaha sudna zapłanavana ŭžo na 30 krasavika, a druhi samalot prylacić u Minsk prykładna 10 maja 2014 hoda. Nabytyja samaloty pryznačany dla pieravozki 107 pasažyraŭ u ekanamičnym (96 miescaŭ) i biźnies-kłasach (11 miescaŭ) absłuhoŭvańnia. Jany zdolnyja vykonvać siaredniemahistralnyja paloty na adlehłaści da 4 tys. kiłamietraŭ z maksimalnaj krejsierskaj chutkaściu 980 kiłamietraŭ u hadzinu.
Pavodle słoŭ Siarhieja Rumasa, kredytny dahavor na $52 młn raźličany na 10 hadoŭ z płyvučaj pracentnaj staŭkaj, jakaja «ŭ lubym vypadku nie pieravysić 9% hadavych». Hrošy «Bank raźvićcia» pačnie pieraličvać užo na nastupnym tydni.
Abodva novyja samaloty buduć atrymany «Biełavija» niepasredna ad zavoda-vytvorcy — brazilskaj kampanii. Na praciahu pieršych 5-7 dzion paśla prybyćcia ŭ Minsk ich płanujecca ŭžo vykarystoŭvać u pieravozkach pasažyraŭ, adnak pakul nie pryniata rašeńnie, jakimi mienavita stanuć ich pieršyja rejsy. U dalejšym, jak miarkujecca, samaloty buduć latać u tym liku ŭ Frankfurt, Rym, Miłan, Maskvu.
Asnoŭny prahnazavany efiekt prajekta — stvareńnie dadatkovych pravaznych jomistaściaŭ, jakija dazvolać «Biełavija» pavialičyć častatu palotaŭ na isnujučych rehularnych linijach i asvoić paloty na novych napramkach. Zapłanavany pryrost avijapieravozak za košt realizacyi prajekta składzie 11%. Akramia taho papaŭnieńnie parku pavietranych sudnaŭ paliŭnaefiektyŭnymi samalotami budzie spryjać źnižeńniu ŭdzielnaha raschodu avijapaliva na adzinku pavietranych sudnaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary