MZS Ukrainy «z rasčaravańniem i niepakojem» usprymaje zajavy prezidenta RF Uładzimira Pucina padčas «pramoj linii» 17 krasavika. Pra heta havorycca ŭ zajavie viedamstva.
«Mnohija ź ich prama supiarečać vykazanym na Ženieŭskich pieramovach zapeŭnieńniach rasijskaha boku adnosna jaje zacikaŭlenaści ŭ deeskałacyi situacyi vakoł Ukrainy i ukrainska-rasijskich adnosin», — adznačaje MZS.
Na dumku ŭkrainskich dypłamataŭ, «supiarečlivaść zajaŭ rasijskaha boku kančatkova dyskredytuje jaho pazicyju adnosna nibyta niedatyčnaści da padziejaŭ u Aŭtanomnaj Respublicy Krym i va ŭschodnich rehijonach Ukrainy».
U MZS nahadali, što 4 sakavika Pucin kateharyčna admaŭlaŭ ŭdzieł rasijskich vajskoŭcaŭ u błakavańni častak ŭkrainskaj armii ŭ Krymie, ale ŭžo 17 krasavika pryznaŭ, što za tak zvanymi siłami samaabarony Krymu stajali rasijskija vajskoŭcy, jakija dapamahali pravieści «sumlenny» refierendum.
U ministerstvie pierakananyja, što ciapier rasiejski bok pavinien pryznać anieksiju Krymu.
«Hreblivy ton, vialikadziaržaŭnyja notki i psieŭdahistaryčnyja vysnovy ŭ vykazvańniach Pucina śviedčać pra sapraŭdnaje staŭleńnie kramloŭskaha kiraŭnictva da hramadzian Ukrainy jak da ludziej, pa słovach samoha kiraŭnika Rasii, «druhoha hatunku», nahladna demanstrujuć, čaho vartyja ich cyničnyja zapeŭnivańni «siabroŭstva» i «braterstva»», — ličać dypłamaty.
Asabliva ich aburyła staŭleńnie Pucina da šachcioraŭ.
«Absalutna nieprymalnymi ličym abraźlivyja zajavy Pucina adnosna pradstaŭnikoŭ šachciorskaj prafiesii, jakim, pa jaho słovach, bolš ničoha nie treba, jak «vypić paŭšklanki — i na plaž» (mienavita tak jon patłumačyŭ, čamu šachciory pryjazdžajuć adpačyvać u Krym)», — havorycca ŭ zajavie.
Razam z tym u MZS pierakananyja, što «nie ŭsio rasiejcy padtrymlivajuć ciapierašnija zajavy i dziejańni Kramla, u pryvatnaści, adnosna Ukrainy».
«Vierym, što hołas sapraŭdnaj cyvilizavanaj i demakratyčnaj Rasii budzie hučać usio bolš mahutna», — padkreślivajecca ŭ ministerstvie.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary