«Biełaruskija partyzany z Hrodna» abiacajuć zmahacca suprać «banderaŭcaŭ»
Na Jutubie źjaviłasia videa, na jakim «biełaruskija partyzany z Hrodna» padtrymali hetak zvanaje narodnaje apałčeńnie paŭdniovaha ŭschodu Ŭkrainy. U apisańni videa skazana, što heta nibyta «partyzany atradu «Vichor» ź biełaruskaha horada Hrodna».
U kadry — dva chłopcy ŭ kamuflažy i maskach, jakija zakryvajuć tvar. Za imi na drevie visić čyrvona-zialony ściah. Miarkujučy pa hałasach, im hadoŭ pa 17—20. Pastavy vydajuć adsutnaść vajskovaj vypraŭki, uražańnie padmacoŭvajecca tym, jak visić na ich kamuflaž i zbroja. Chłopcy ŭ vojsku nie słužyli (paraŭnajcie z padabranymi «zialonymi čałaviečkami» na ŭschodzie Ukrainy).
Pytańnie taksama: ci ŭ Biełarusi ŭvohule videa źniataje. Jano źjaviłasia na akaŭncie rasijskaha infarmacyjnaha ahienctva «Sibintierinfo».
Zahałovak jaho — «Obraŝienije partizaniv Biełoruśsii k opołčieniju Juho-vostoka Ukrainy». Dziŭna, što słova «partyzanaŭ» napisana z ukrainskim kančatkam.
«Źviartajemsia da vojskaŭ paŭdniovaha ŭschodu i samoha paŭdniovaha ŭschodu, — kažuć «partyzany». — Zapomnicie: my, Biełaruś, z vami, Rasieja taksama z vami. Nia viercie chłuślivym ŚMI i ŭsiamu, što tam havorać. My budziem zmahacca suprać banderaŭcaŭ razam z vami, plačom da plača. A vy trymajciesia tam», — havorać jany.
«Zapomnicie, rabiaty: heta naša ziamla! Vorahu tut miesca niama. Dziady vajavali, pradziedy vajavali, i my pavinny praciahnuć ich spravu, heta naša ziamla. Nam tut žyć, i tut žyć našym dzieciam i našym unukam», — havorycca ŭ paviedamleńni.
«Partyzany» źviarnulisia da tak zvanych «banderaŭcaŭ». Dla hetaha adzin ź ich padyšoŭ bližej da kamiery — ažno jana trochi zapacieła ad jaho dychańnia.
Cikava, što jon užyvaje turemna-słenhavaje słova «paputali», viadomaje pa rasiejskich kryminalnych sieryjałach.
«Vy, rabiaty, paputali: heta nie taja ziamla, dzie buduć vykonvać vašuju volu. Tut my haspadary. Hość zastajecca hościem da taho času, pakul u domie jość haspadar. I jon u hetym domie jość, paviercie», — zajavili «partyzany» na videa.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary