Pytańnie budaŭnictva daśledčaha jadziernaha reaktara prapracoŭvajecca ŭ Biełarusi. Ab hetym siońnia paviedamiŭ vykonvajučy abaviazki hienieralnaha dyrektara DNU «Abjadnany instytut enierhietyčnych i jadziernych daśledavańniaŭ — Sosny» Andrej Kuźmin.
«U hety čas prapracoŭvajecca pytańnie ab stvareńni technika-ekanamičnaha abhruntavańnia budaŭnictva daśledčaha jadziernaha reaktara ŭ Biełarusi», — skazaŭ Andrej Kuźmin.
Płanujecca pravieści papiarednija kansultacyi na hetu temu z rasijskimi ekśpiertami. Pa vynikach praviedzienaj raboty budzie pryniata rašeńnie ab metazhodnaści zbudavańnia takoha abjekta ŭ Biełarusi.
Andrej Kuźmin upeŭnieny, što lubaja kraina, jakaja raźvivaje atamnuju enierhietyku, pavinna razhledzieć pytańnie ab mahčymaści stvareńnia na svajoj terytoryi daśledčaha jadziernaha reaktara. Takija ŭstanoŭki, jak praviła, šmatfunkcyjanalnyja i dajuć mahčymaść vyrašać kompleks navukovych i vytvorčych zadač.
Pavodle danych v.a. hiendyrektara instytuta, na placoŭcy ŭ Sosnach u 1962 hodzie byŭ adkryty daśledčy jadzierny reaktar ciepłavoj mahutnaściu 2 MVt, jakaja ŭ 70-ja hady była pavyšana da 5 MVt. U kancy 90-ch reaktar byŭ vyviedzieny z ekspłuatacyi.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary