Upraŭleńnie Śledčaha kamiteta pa Mahiloŭskaj vobłaści pačało rasśledavańnie treciaj kryminalnaj spravy ŭ dačynieńni da byłoha hienieralnaha dyrektara AAT «Fandok» (Babrujsk) pa fakcie złoŭžyvańnia słužbovymi paŭnamoctvami.
Nahadajem, u listapadzie 2013 hoda ŭ dačynieńni da Majko byli raspačatyja dźvie kryminalnyja spravy za złoŭžyvańnie ŭładaj abo słužbovymi paŭnamoctvami.
Jak skazała aficyjny pradstaŭnik USK pa Mahiloŭskaj vobłaści Aksana Salaniuk, ź lipienia pa listapad 2007 hoda, dziejničajučy z asabistaj zacikaŭlenaści, hiendyrektar daŭ ukazańnie padnačalenym rabotnikam na afarmleńnie dakumientaŭ i adhruzku šlifavanaj faniery ŭ adras rasijskich firmaŭ pa canie, značna nižejšaj za biržavuju. «U vyniku pryčyniŭ škodu hramadstvu ŭ vyhladzie roźnicy pamiž biržavoj canoj i canoj pastaŭki ŭ sumie bolš za 70 młn rubloŭ», — adznačyła pradstaŭnik USK.
Byłomu kiraŭniku pradjaŭlenaje abvinavačvańnie ŭ złoŭžyvańni słužbovymi paŭnamoctvami (č. 3 art. 424 Kryminalnaha kodeksa Respubliki Biełaruś). Nakładzieny aryšt na jaho majomaść na sumu kala 1,8 młrd rubloŭ.
Raniej Uładzimir Majko byŭ zapadozrany ŭ tym, što padpisaŭ akty pryjomki-pieradačy za faktyčna nie vykananyja ŭ poŭnym abjomie pracy pa madernizacyi i ŭvodu ŭ ekspłuatacyju linii sartavańnia kruhłaha lesu, a taksama ab vykanańni šef- mantažnych i puskanaładačnych rabot pa budaŭnictvie mini -CEC «Fandok».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary