Pradstaŭniki Blizkaha Uschodu, Afryki i Kaŭkaza ŭ minułyja vychadnyja dni na roznych kirunkach pasprabavali parušyć miažu Biełarusi z krainami Jeŭrasajuza.
Jak paviedamlaje Dziaržaŭny pahraničny kamitet Biełarusi, hałoŭnym čynam parušalniki dziejničali parami, a ŭ Brasłaŭskim rajonie 18 krasavika pahraničniki zatrymali za paŭtara kiłamietra ad linii miažy adrazu siemiarych hramadzian Siryi — dźvie siamji z adnym i dvuma dziećmi. Darosłyja nie ŭtojvali, što źbiralisia niezakonna pierajści biełaruska-łatvijskuju miažu dla dalejšaha ruchu ŭ krainy Zachodniaj Jeŭropy. Parušalniki dziaržmiažy pryciahnuty da adkaznaści i vydvarany za miežy pahraničnaj zony.
Dvoje hramadzian Ałžyra i dvoje Hruzii byli zatrymany 18 krasavika ŭ pahraničnaj zonie ŭ Ašmianskim rajonie. U pieršych pry sabie byli rukzaki, fotaaparat, hrošy. A vychadcy z Kaŭkaza ŭ pamiežža tradycyjna pryjechali na taksi ź Minska. Dla vyśviatleńnia ŭsich akaličnaściaŭ inšaziemcy źmieščany ŭ izalatar časovaha ŭtrymańnia.
Z tryma hramadzianami Kamieruna buduć raźbiracca supracoŭniki adździeła pa hramadzianstvie i mihracyi RUUS Frunzienskaha rajona Minska za parušeńnie pravił znachodžańnia na terytoryi Biełarusi. Vychadcaŭ z Afryki padčas mierapryjemstvaŭ mihracyjnaha kantrolu apieratyŭnyja supracoŭniki atrada pahraničnaha kantrolu «Minsk» sumiesna z pradstaŭnikami milicyi zatrymali ŭ stalicy.
Kamientary