Pahadnieńnie ab supracoŭnictvie pamiž Nacyjanalnym schodam Respubliki Biełaruś i Nacyjanalnym schodam Łaoskaj Narodna-Demakratyčnaj Respubliki padpisana siońnia ŭ Minsku ŭ čas aficyjnaha vizitu łaoskaj parłamienckaj delehacyi.
Ź biełaruskaha boku pahadnieńnie padpisaŭ staršynia Savieta Respubliki Anatol Rubinaŭ, z łaoskaha - kiraŭnik parłamienckaj delehacyi Pani Jatchotu. Akramia taho, siońnia padpisany dakumient ab abmienie ratyfikacyjnymi hramatami ab vykanańni ŭnutrydziaržaŭnych pracedur pa dahavory ab družalubnych adnosinach i supracoŭnictvie pamiž dźviuma krainami.
Jak adznačyŭ Anatol Rubinaŭ, hety vizit biełaruski bok usprymaje jak vielmi važny krok pa ŭmacavańni supracoŭnictva pamiž Łaosam i Biełaruśsiu. «U našych krain šmat ahulnaha jak va ŭnutrydziaržaŭnaj palitycy, tak i adnosna mižnarodnych abaviazacielstvaŭ», — skazaŭ jon. «Biełaruś nadaje vialikaje značeńnie supracoŭnictvu z Łaosam. My razhladajem jaho jak važny napramak u našaj palitycy ŭ Paŭdniova-Uschodniaj Azii», — padkreśliŭ śpikier.
U svaju čarhu Pani Jatchotu padziakavała biełaruskamu boku za zaprašeńnie i ciopły pryjom. Jana vykazała ŭpeŭnienaść u tym, što paśla padpisańnia dakumientaŭ uzajemadziejańnie dźviuch krain atrymaje bolš kankretnyja formy.
Aficyjny vizit łaoskaj delehacyi pradoŭžycca da 24 krasavika. U prahramie — sustreča z premjer-ministram Biełarusi Michaiłam Miaśnikovičam, naviedvańnie ZAT «Atłant». Hości pabyvajuć u Hrodzienskaj vobłaści, dzie čakajecca sustreča z kiraŭnictvam Karelickaha rajona.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary