Krymskatatarskoj redakcyi DTRK «Krym» u vusnaj formie zahadali «nie pakazvać» lidera krymskatatarskoho naroda Mustafu Džamileva i šerah členaŭ Miedžlisa.
Infarmacyju pra heta «Ukrainskaj praŭdzie» paćvierdziŭ infarmavanaja krynica ŭ DTRK.
Pavodle paviedamleńnia, novyja ŭłady Kryma vyrašyli prymianić sankcyi suprać lidera krymskich tataraŭ i pasprabavali ŭvieści cenzuru ŭ častcy aśviatleńnia dziejnaści Miedžlisa.
«Supracoŭnikam DTRK było abvieščana — «nie treba ich pakazvać (Džamileva i inšych členaŭ Miedžlisa)», — paviedamiła krynica.
Akramia taho «nie rekamiendujecca brać intervju ŭ lidera i pakazvać navat ahulnyja płany, dzie jon prysutničaje, cenzura raspaŭsiudžvajecca i na lubyja zhadki imia Mustafy Džamileva».
Krynica udakładniła, što dadzienyja «rekamiendacyi» byli ahučanyja ŭ vusnaj formie, i paćvierdziła infarmacyju, što nieaficyjnaja zabarona na aśviatleńnie lideraŭ Miedžlisa isnuje.
Razam z tym pracoŭniki krymskatatarskoj redakcyi DTRK «Krym» majuć namier 22 krasavika pravieści sustreču z kiraŭnictvam DTRK.
«Kali heta cenzura — budziem patrabavać aficyjnaha dakumienta, u jakim ahučanyja patrabavańni buduć prapisanyja», — patłumačyła krynica.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary