Z 22 lipienia ŭ Biełarusi budzie zabaronieny roźničny handal pivam u palimiernaj ŭpakoŭcy abjomam bolš za dva litry. Heta praduhledžana pastanovaj Savieta ministraŭ №367 ad 18 krasavika 2014 hoda, apublikavanym na Nacyjanalnym pravavym internet-partale.
Dakumientam taksama ustanaŭlivajecca zabarona na roźničny handal pivam i słabaałkaholnymi napojami ŭ handlovych abjektach i abjektach hramadskaha charčavańnia: u pamiaškańniach, u jakich raźmieščany ŭstanovy adukacyi, arhanizacyi achovy zdaroŭja (za vyklučeńniem śpiecyjalnych miescaŭ u sanatoryjach), dziciačyja teatralna-vidoviščnyja i kulturna-aśvietnickija ŭstanovy; u budynkach vytvorčych arhanizacyj i na abjektach budaŭnictva; u fizkulturna-azdaraŭlenčych zbudavańniach, za vyklučeńniem stacyjanarnych abjektaŭ hramadskaha charčavańnia; u budynkach, u jakich raźmieščany dziaržaŭnyja orhany, za vyklučeńniem stacyjanarnych abjektaŭ hramadskaha charčavańnia; na aŭtazapravačnych stancyjach, nie abstalavanych asobnym uvachodam u abjekty hramadskaha charčavańnia.
Zabarona, akramia taho, raspaŭsiudžvajecca na dyjetyčnyja stałovyja i dziciačyja kafe, pierasoŭnyja srodki raznosnaha handlu, handal z vykarystańniem elektronnych pryład, z prymianieńniem internet-technałohij.
Jurydyčnyja asoby i IP, jakija nie realizavali piva ŭ spažyvieckaj palimiernaj tary abjomam bolš za dva litry da 22 lipienia, majuć prava pradavać jaho da zakančeńnia terminu prydatnaści.
