Z 21 krasavika pierasiakać aficyjnuju miažu Rasijskaj Fiederacyi zabaroniena supracoŭnikam palicyi roznaha ŭzroŭniu, pačynajučy ad HU MUS pa Maskvie i zakančvajučy rehijanalnymi i terytaryjalnymi AUS. Pad zabaronu taksama patrapiŭ asabisty skład FMS, FSKN, UFSVP i častkova Minabarony.
U śpis dziaržaŭ, u jakija nie zmohuć vyjechać supracoŭniki viedamstva, ŭvajšli 150 krain. U turystyčny čorny śpis dla siłavikoŭ trapili ZŠA, Turcyja, Bałharyja, Vialikabrytanija, Japonija, Mieksika, Italija, Jehipiet, Ispanija, Čechija, Kuba i niekatoryja inšyja.
Pa słovach samich palicejskich, kali raniej usie vyjezdy za miažu ažyćciaŭlalisia pa ŭzhadnieńni z kiraŭnictvam, i dla taho, kab pravieści adpačynak za miežami Rasii, dastatkova było paviedamić svajmu načalstvu, to zaraz u suviazi z novym zahadam apieratyŭnikam i śledčym vyjezd zabaronieny da asablivaha rasparadžeńnia.
«Termin dziejańnia hetaha zahadu nieviadomy, — rastłumačyła krynica ŭ ministerstvie. — Pakul jon biezterminovy».
Vyklučeńnie mohuć skłaści hramadzianskija asoby, jakija pracujuć u MUS i FSKN pa kantrakcie. Vyjechać za miažu jany zmohuć pad adkaznaść svajho niepasrednaha kiraŭnika.
Čakajecca, što ŭ bližejšy miesiac siłavikam ŭsio ž dazvolać naviedvać peŭnyja krainy, jakija nie buduć uvachodzić u zabaronieny śpis.