Tak zvany «narodny mer» horada Słavianska Viačasłaŭ Panamaroŭ paviedamiŭ, što sieparatysty ŭziali ŭ zakładniki amierykanskaha žurnalista Sajmana Astroŭskaha.
Pra heta Panamaroŭ zajaviŭ padčas pres-kanfierencyi ŭ Domie kultury Słavianska.
Pavodle jaho słoŭ, u Astroŭskaha padvojnaje hramadzianstva ZŠA i Izraila, jon źjaŭlajecca supracoŭnikam amierykanskaha vydańnia Vice.
Adznačajecca, što pres-kanfierencyja była nienadoŭha pierapynienaja, Panamarovu patelefanavali baćki žurnalista, lidar sieparatystaŭ zapeŭniŭ, što ź ich synam usio dobra.
«Jaho nichto nie vykradaŭ, jaho nichto nie trymaje ŭ zakładnikach, jon zaraz u nas, u SBU, rychtuje materyjał, pracuje», — skazaŭ Panamaroŭ.
Sajman Astroŭski niekali pryjazdžaŭ u Minsk i rabiŭ repartaž pra niezaležnuju presu, u tym liku i pra «Našu Nivu».
