Biełaruś z 1 maja ŭvodzić licenzavańnie impartu piva z-za miežaŭ Mytnaha sajuza. Heta praduhledžana pastanovaj Savieta Ministraŭ №365 ad 18 krasavika 2014 hoda, paviedamili ŭ pres-słužbie biełaruskaha ŭrada.
Ciapier, adznačyli ŭ kancernie «Biełdziaržcharčpram», impartnaje piva nie licenzujecca. Pavodle pastanovaj, impart biezałkaholnaha i soładavaha piva, što kłasifikujucca kodami 2202 90 100 1 i 2203 00 adzinaj Tavarnaj namienkłatury źniešnieekanamičnaj dziejnaści MS, u Biełaruś z-za miežaŭ adzinaj mytnaj terytoryi Mytnaha sajuza budzie ažyćciaŭlacca pa razavych licenzijach. Vydavać ich budzie Ministerstva handlu pa ŭzhadnieńni z kancernam «Biełdziaržcharčpram».
Paradak vydačy licenzij budzie anałahičnym ustanoŭlenamu pahadnieńniu ab praviłach licenzavańnia ŭ śfiery źniešniaha handlu tavarami ad 9 červienia 2009 hoda ŭ dačynieńni da tavaraŭ, da jakich prymianiajucca zabarony ci abmiežavańni na ŭvoz ci vyvaz dziaržavami — členami Mytnaha sajuza ŭ ramkach Jeŭrazijskaj ekanamičnaj supolnaści ŭ handli z trecimi krainami, z ulikam asablivaściaŭ hetaj pastanovy.
Kamientary