29 krasavika ŭ Minsku paśla pasiadžeńnia Vyšejšaha jeŭrazijskaha ekanamičnaha savieta ŭ Alaksandra Łukašenki i Uładzimira Pucina zapłanavany dvuchbakovyja pieramovy, paviedamlaje RIA Naviny.
U pryvatnaści, skazaŭ žurnalistam pamočnik prezidenta RF Juryj Ušakoŭ, baki płanujuć abmierkavać situacyju ŭ Ukrainie i pytańni handlova-ekanamičnaha supracoŭnictva pamiž krainami.
«Čakajecca, što Pucin i Łukašenka abmiarkujuć klučavyja źniešniepalityčnyja temy, u tym liku situacyju va Ukrainie, sumiesnuju pracu pa dalejšym umacavańni SND — z ulikam staršynstva Minska druhi hod zapar u hetaj arhanizacyi», — adznačyŭ jon.
Ušakoŭ dadaŭ, što asnoŭnuju ŭvahu ŭ chodzie razmovy kiraŭniki dziaržaŭ nadaduć pytańniam handlova-ekanamičnaha supracoŭnictva. Ušakoŭ nahadaŭ, što Biełaruś znachodzicca na piatym miescy siarod handlovych partnioraŭ Rasii (paśla Kitaja, Niderłandaŭ, Hiermanii i Italii), a pa vynikach minułaha hoda tavaraabarot ź joj skłaŭ 39,7 młrd. dalaraŭ. Udzielnaja vaha Rasii ŭ źniešnim handli Biełarusi pieravyšaje 49%, a nazapašanyja rasijskija inviestycyi składajuć 5,5 młrd. dalaraŭ.
Kamientary