Siońnia — 28-ja hadavina katastrofy na Čarnobylskaj AES (26 krasavika 1986). U čarhovuju hadavinu samaj bujnoj u historyi čałaviectva technahiennaj katastrofy demakratyčnaja hramadskaść Biełarusi adznačyć tradycyjnym «Čarnobylskim šlacham».
Zbor udzielnikaŭ «Čarnobylskaha šlachu» ab`iaŭleny na 16.00 kala kinateatra «Kastryčnik». Šeście pačniecca ŭ 16.30, a mitynh u parku Družby Narodaŭ projdzie z 17.30 da 18.30.
«Naša Niva» budzie vieści anłajn ź miesca padziej.
Arhanizatary akcyi nie vyklučajuć mahčymych pravakacyj z boku ŭładaŭ. Na hetym tydni byli zatrymanyja niekalki hramadskich lidaraŭ, u tym liku pradstaŭnik kampanii «Jeŭrapiejskaja Biełaruś» Maksim Viniarski.
U čaćvier byŭ zatrymany, a ŭ piatnicu asudžany na 25 sutak były palitviazień, lidar «Maładoha frontu» Źmicier Daškievič.
Čaćviorty enierhabłok Čarnobylskaj AES uzarvaŭsia 26 krasavika 1986 hoda ŭ 1 hadzinu 23 chviliny, nahadvaje BiełaPAN. Niahledziačy na toje što stancyja raźmieščana va Ukrainie, kala horada Prypiać, bolš jak 70% radyjenuklidaŭ asieła na terytoryi Biełarusi.
Ad nastupstvaŭ avaryi paciarpieli kala 2 młn. žycharoŭ krainy, u tym liku bolš za paŭmiljona dziaciej. Ź sielskahaspadarčaha abarotu vyviedzieny 2 młn. 64 tys. kvadratnych kiłamietraŭ sielhasuhodździaŭ.
Pavodle źviestak MNS, praz 28 hadoŭ paśla avaryi płošča zabrudžanych radyjacyjaj terytoryj Biełarusi źmienšyłasia ŭ 1,6 razu, da 30 tys. kv. km radyjeaktyŭnaha zabrudžańnia. Zabrudžanyja terytoryi zastajucca ŭ 57 administracyjnych rajonach krainy, na jakich znachodziacca 2 tys. 393 nasielenyja punkty z nasielnictvam u 1,142 młn. čałaviek.
