Šmat dzie pa śviecie raskidanyja pamiatki pa biełarusach u vyhladzie nadmahilnych kamianioŭ ci biezymiennych mahiłak. U Arhientynie j Kanadzie, u Kitai j Novaj Zelandyi, Iranie j Tanzanii, Aŭstralii j Francyi, dy šmat dzie jašče na pachavalnych plitach možna pračytać imiony biełarusaŭ…
Miescy apošniaha spačynu našych suajčyńnikaŭ vyhladajuć pa‑roznamu: vialikija skulpturnyja vyjavy, jak niekali na mahile Alesia Marhoviča ŭ Miunchenie, ci prostyja šyldački, jak na «cmentažy» polskaha kaściołu Andreja Baboli ŭ Londanie, dzie žadańniem žonki pachavany popieł pravasłaŭnaha biełarusa Paŭła Asipoviča…
Raskidanyja biełaruskija mahiły pa śviecie, jak raskidanyja byli sami biełarusy…
Jość, praŭda, miescy, dzie našyja suajčyńniki lažać u ziamli pobač — admysłovyja biełaruskija mohiłki: takija jak u aŭstralijskim Melburnie na Foŭknery, ci ŭ Ńju-Džerzi: jak u Saŭt‑Ryvery na biełaruskim mohilniku carkvy Śv. Jeŭfrasińni Połackaj ci na biełaruskaj čystcy haradzkoha mohilniku Ist‑Branśviku (jak žyli padzielenyja, tak i pachavanyja na asobnych mohiłkach pavajennyja biełaruskija emihranty)…
Usie jany, takija dalokija j blizkija, čužyja j rodnyja — našyja… dzie b jany nie lažali zaraz…
 Mahiła hramadzkaha dziejača, aficera BKA Arkadzia Kačana. Sydnej (Aŭstralija) |
 Mahiła Alesia Sałaŭja na biełaruskaj častcy mohilniku Foŭkner u Melburnie (Aŭstralija) Epitafija: Ale nia źlaža ŭ ciomnuju mahiłu, žyvy ad vieku podych maładości |
 Mikoła Nikan spačyvaje na mohiłkach Foŭkner u Melburnie, pobač z dvuma žonkami. Na mahile Lidy Nikan napisana: Lubiła krasy paŭniniu, / išła napiarejmy dniu/ Chto dychaŭ niazhasnaj krasoj / Toj viečna žyć budzie, bo ź joj (Aleś Sałaviej) |
 Mahiła Janki Kudruka na mohilniku Foŭkner. Melburn (Aŭstralija) Tut lažyć cieło majo, prach, ja ŭžo ŭ doma, a vy ŭ haściach |
 Biełaruskaja častka mohiłak u Ist-Branśviku (Ńju-Džerzi, ZŠA). Zasnavanyja ŭ 1950-ch. |
 Mahiła Viktara j Maryi Vojtankaŭ na biełaruskaj častcy mohiłak u Ist-Branśviku (Ńju-Džerzi, ZŠA) |
 Siamiejnaja mahiła Dubiahaŭ na biełaruskaj častcy mohiłak u Ist-Branśviku (Ńju-Džerzi, ZŠA) |
 Mahiła Siarhieja Karniłoviča na mohilniku ŭ Kliŭłendzie (Ahajo, ZŠA) |
 Biełaruskija mohiłki ŭ Saŭt-Ryvery pry carkvie śv. Jeŭfrasińni Połackaj zasnavanyja ŭ siaredzinie 1950-ch. Pieršymi tut byli pachavanyja Ściapan Prydybajła (1956) i Alaksandar Rusak (1957) |
 Na biełaruskich mohiłkach u Saŭt-Ryvery 265 pachavańniaŭ. Druhaja źleva mahiła: Stukalič, tut pachavany piśmieńnik Jurka Vićbič. Čorna-bieły pomnik, kudy padaje cień - mahiła Radasłava Astroŭskaha |
 Mahiła piśmieńnika i žurnalista Janki Zołaka i jaho pieršaj žonki mastački Lidzii Daniłovič-Kalinoŭskaj na biełaruskich mohiłkach u Saŭt-Ryvery (Ńju-Džerzi) |
 Nadpis z advarotnaha boku pomnika druhoj žonki Janki Zołaka - Fatyni Daniłovič. Jana niekalki miesiacaŭ pierad śmierciu znachodziłasia ŭ komie. Biełaruskija mohiłki ŭ Saŭt-Ryvery |
 Mahiła hramadzkaha dziejača Macieja Durejki na Paŭdniovych mohiłkach Mančesteru (Vialikabrytanija) |
 Mahiła śviataroŭ Lava Haroški j Jazepa Hermanoviča na mohiłkach Śv. Pankrata ŭ Londanie. |
 Mahiła Vasila j Janiny Turaŭ na mohiłkach Śv. Pankrata ŭ Londanie. (Vialikabrytanija) |
 Mahiła staršyni Zhurtavańnia biełarusaŭ Kanady, brata kiraŭnika SBM Mikoły Hańka ŭ Taronta |
 Mahiła hramadzkaha i vajskovaha dziejača Dźmitryja Kasmoviča ŭ Štutharcie (Niamieččyna) |
 Mahiła žurnalista, supracoŭnika Instytutu vyvučeńnia SSSR Alesia Marhoviča na mohiłkach u Miunchenie. |
 Mahiła žurnalista Ŭładzimiera Ćvirki na mohiłkach Vestfrajhof u Miunchenie (Niamieččyna) |
 Mahiła žurnalista Ŭładzimiera Bortnika na mohiłkach Perlacher-Fiorst u Miunchenie |
